Свет
Анкета на Си-ен-ен: 77 отсто од Американците ги одобруваат плановите на Трамп за средба со Ким Јонг-ун
Околу три четвртини од Американците (77%) ја одобруваат одлуката на претседателот Доналд Трамп да се сретне со лидерот на Северна Кореја, Ким Јонг-ун, покажува новата анкета на Си-ен-ен спроведена од ССРС. Резултатите од анкетата доаѓаат во време кога претставниците на администрацијата на Трамп добиле упатства да продолжат со плановите за самитот во Сингапур.
Одобрувањето на одлуката на Трамп да се сретне со Ким се искачи за 15 процентни поени од крајот на март, набрзо по објавувањето на одлуката за средба на двајцата водачи. Зголемувањето беше поттикнато од засилената поддршка по партиските линии, вклучувајќи го и зголемувањето на одобрувањето на оваа одлука меѓу демократите од 24 процентни поени (од 38% во март на 62% сега), порастот од 12 процентни поени меѓу независните (од 67% на 79%) и од зголемувањето од 10 процентни поени меѓу сопартијците на Трамп (од 82% на 92%).
Одобувањето на начинот на кој Трамп се справува со ситуацијата со Северна Кореја се зголеми за 10 процентни поени од крајот на март. Вкупно 53 отсто од Американците го одобруваат начинот на кој Трамп се справува со ситуацијата со Северна Кореја, а 35 отсто не го одобруваат. Ова е првпат мнозинството Американци да го одобри неговото справување со ова прашање откако во ноември одобрувањето меѓу Американците беше на само 35 отсто.
Речиси половина од анкетираните сметаат дека Северна Кореја претставува сериозна закана за САД (47%) во споредба со 62% кои имале такво мислење во октомври. И покрај намалувањето на овој процент, Американците се посклони кон тоа да ја сметаат Северна Кореја за могу сериозна закана отколку да го кажат истото за Иран (40%), Русија (38%) или за Кина (25%).
Анкетата на Си-ен-ен беше спроведена од ССРС од 2 до 5 мај меѓу случаен национален примерок од 1.015 возрасни лица. Резултатите за целосната мостра имаат маргина на грешка од +/- 3,6 процентни поени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дачиќ: Србија не е експериментално тело па на неа постојано да се крши меѓународното право
Министерот за надворешни работи и претседател на Социјалистичката партија на Србија, Ивица Дачиќ денеска изјави дека е срамно што Комитетот за политички прашања на Советот на Европа (СЕ) ја прифати препораката дека Косово ќе биде примено во Советот на Европа, и дека е спротивно на сите принципи на кои почива таа организација и посочи дека Србија не е „експериментално тело“ па на неа постојано да се крши меѓународното право.
„Првпат се препорачува членство на територија која не е меѓународно признаена, која не е членка на ОН. За да се постигне тоа се обидуваат да најдат оправдување и да кажат дека тоа не го прејудицира статусот, а потоа во втората реченица велат дека тогаш ставот на СЕ престанува да биде статусно неутрален“, рече Дачиќ.
Регион
Откриено кој го возел „пунтото“ во моментот на исчезнувањето на Данка
Кој го управувал автомобилот „пунто“ е откриено од видеото во случајот со исчезнувањето на девојчето Данка.
Преземено е видео од надзорната камера лоцирана во дворот на куќата на сосетката Јасмин Стојадиновиќ од Бањско Поле, која била прегледана од полицијата во текот на истрагата за исчезнувањето на Данка Илиќ (2) од Бор.
На видеото се гледа зелен автомобил „пунто“, кој во моментот на исчезнувањето на девојчето се движел по улицата со голема брзина. Возилото наводно било управувано од маж. Сепак, оваа информација не го олесни пребарувањето многу. Познато е дека бил сослушан во полиција.
Утврдено е дека се работи за сосед што живее недалеку од местото на кое исчезна Данка Илиќ. Според информациите, мажот бил во алкохолизирана состојба и возел со голема брзина.
Девојчето исчезна на 26 март во 13.45 часот.
Свет
„Њујорк тајмс“: Американските разузнавачки служби не ги споделиле со своите руски колеги сите информации што ги имале за заканата од терористички напад
Американските разузнавачки служби не ги споделиле со своите руски колеги сите информации што ги имале за заканата од терористички напад во градското собрание Крокус поради страв да не ги откријат нивните извори, пишува „Њујорк тајмс“ повикувајќи се на претставници на европската и американската безбедност, пренесува „РИА новости“.
„Непријателските односи меѓу Москва и Вашингтон ги спречија американските официјални лица да споделат повеќе информации за терористичкиот заговор поради страв дека руските власти би можеле да дознаат за нивните разузнавачки извори или методи“, се вели во написот.
Како што изјави директорот на ФСБ, Александар Бортников, Вашингтон на почетокот на март пренел информации за подготовка на терористички напад во Русија, но тој бил од општа природа. Тој истакна дека таквите податоци од САД не се секогаш конкретни.