Свет
Антисемитски дејства во Франција зголемени за 69 отсто во 2018 година
Францускиот премиер, Едуард Филип, изјави дека антисемитските дејства во Франција се зголемиле за 69 отсто во првите девет месеци од 2018 година, најавувајќи зголемувањето на нивниот број на денот кога Европа ќе ја одбележи 80-годишнината од озлогласената „кристална ноќ” на нацистичките напади врз Евреите.
„Секоја агресија извршена против некој од нашите граѓани само затоа што се Евреи одекнува како кршење нов кристал”, пишува Филип на Фејсбук осврнувајќи се на почетокот на нацистичката кампања за елиминирање на Евреите на 9 ноември 1938 година, познат како Ноќ на скршеното стакло.
„Зошто да се потсетиме, во 2018 година, на такво болно сеќавање? Бидејќи ни оддалеку не сме му ставиле крај на антисемитизмот. И покрај намалувањето во изминатите две години, бројот на антисемитски дејства е зголемен за повеќе од 69 отсто во првите девет месеци од 2018 година”, рече тој, нарекувајќи го бројот на инциденти „немилосрден”.
Во својот фејсбук-пост Филип ја цитираше преживеаната од холокаустот и добитник на Нобеловата награда Ели Визел, дека „вистинската опасност, сине мој, е рамнодушноста”, ветувајќи дека француската влада нема да биде рамнодушна.
Во март илјадници граѓани тивко чекореа низ Париз за да го осудат ужасното убиство на една 85-годишна Еврејка, чија смрт беше сметана за најнова манифестација на антисемитизмот, кој сега се гледа секојдневно на француските улици.
Миреј Нол го избегнала озлогласеното собирање на Евреите од Париз во Втората светска војна, во кое полицијата уапсила околу 13.000 луѓе, вклучително и повеќе од 4 000 деца, на стадион и ги пренеле во логорот на смртта во Аушвиц во Полска, нацистичка Германија. Таа била убиена во својот кревет и потоа била запалена.
Еврејската заедница со повеќе од половина милион Евреи во Франција е најголемата во Европа, но е погодена од бранот емиграција во Израел во изминатите две децении, поттикнат од појавата на вирулентен вид антисемитизам во претежно мигрантските населби. Како што објави „Брејтбарт Џерусалем“, речиси 5 000 француски Евреи емигрирале во еврејската држава само во 2016 година. Тие заминаа по рекордна година со антисемитски напади во 2015 година. Филип не прецизираше колку напади беа извршени оваа година, но „Ле Монд“ пишува дека имало 311 антисемитски инциденти во 2017 година.
Филип рече дека владата ќе пробува нова посветена мрежа на истражители и судии за борба против злосторствата од омраза и ќе изгради постојан национален тим во Министерството за образование за борба против антисемитизмот во училиштата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.