Свет
Антички јура-свет од вулкани пронајден под површината на Австралија
Меѓународен тим истражувачи, вклучително и научници од австралискиот Универзитет на Аделаид и шкотскиот Универзитет во Абердин, откриле поле со 100 подземни вулкани од ерата јура, скриени под површината на Земјата во централна Австралија, покажува студијата објавена во списанието „Гондвана рисрч“.
Басените Купер-Ероманга, кои се наоѓаат на североистокот од Јужна Австралија и југозападно од Квинсленд, веќе 60 години се поле за истражување и производство на нафта. Меѓутоа, античкиот подземен предел поминал незабележано кај експертите.
Користејќи ја напредната технологија за снимање подземни површини за да ги идентификуваат вулканските кратери, тековите на лавата и коморите за магма во басените Купер-Ероманга, тимот ги открил вулканите 180 милиони години откако тие се развиле, во периодот Јура. Вулканите потоа беа закопани под слоевите седиментна карпа.
Иако денес се неплоден пејзаж, басените Купер-Ероманга во времето на јура имале кратери и пукнатини кои исфрлале врел пепел и лава и биле опкружени со речни канали што се развивале во езера.
„Додека поголемиот дел од вулканската активност на Земјата се случува на границите на тектонските плочи или под океаните на Земјата, овој антички свет од јура се развил длабоко во внатрешноста на австралискиот континент“, вели вонредниот професор Симон Холфорд.
Според Холфорд, откритието нуди можност за повеќе неоткриени вулкански светови скриени под површината на Австралија.
Она што го прави тековното истражување особено интересно е што претпоставува поголема вулканска активност во Австралија за време на периодот јура отколку што се веруваше порано. Новите откритија имаат потенцијал да го променат разбирањето на процесите што се одвивале во минатото на Земјата, заклучуваат научниците.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Небензја: Америка го крши духот на Палестинците, ги принудува да му се покорат на Израел
САД, кои ја блокираа резолуцијата за Палестина во Советот за безбедност на ОН, се обидуваат да ја скршат волјата на Палестинците и да ги принудат да му се покорат на Израел, изјави постојаниот претставник на Русија во ОН, Василиј Небензја.
„Со користењето на ветото по петти пат од почетокот на ескалацијата во Газа, тие повторно го покажаа својот вистински однос кон Палестинците. Според мислењето на Вашингтон, тие не заслужуваат да имаат своја земја“, изјави Небензја.
Тој истакна дека Палестинците се само пречка на патот кон остварување на интересите на Израел.
„САД се подготвени да ги затворат очите пред злосторствата на Израел врз цивилите во Газа, да го игнорираат илегалното населување на Западен Ерусалим на Западниот Брег. Целта е да се скрши духот на Палестинците, да се натераат безусловно да се потчинат на окупаторската власт, да се претворат во слуги и луѓе од втор ред, а можеби и целосно да се искоренат и протераат од нивната родна земја“, изјави Небензја по гласањето за нацрт-резолуцијата за прием на Палестина во ОН.
Како што истакна, резултатот од гласањето во Советот за безбедност на ОН за резолуцијата за прием на Палестина во ОН како полноправна членка покажува дека САД се речиси целосно изолирани.
„Страдањата на палестинските цивили одекнуваат во срцата и душите на милиони луѓе ширум светот. Во земјите кои доставуваат оружје за Западен Ерусалим се почесто се слушаат гласовите на оние кои се за забрана на таквите испораки. Резултатите од гласањето, кога Вашингтон се најде речиси целосно изолиран, зборуваат сами за себе“, рече рускиот дипломат.
Тој оцени дека американското вето е „неплоден обид да се запре неуморниот тек на историјата“.
„Гледајќи низ прсти на најнепромислените постапки на нашиот сојузник (Израел), немањето желба за барање праведни решенија е директен пат кон натамошно лизгање во бездната на војната што може да го зафати целиот регион“, рече Небензја.
Тој рече и дека таквата политика е недостојна за една голема сила.
„Историјата нема да ви го прости тоа. Ги повикуваме САД да го слушаат гласот на разумот и да размислат за последиците од нивните одлуки“, рече Небензја.
Свет
Потврдено: Нема штета на иранските нуклеарни постројки
Нема штета на иранските нуклеарни постројки за време нападoт на Израел, соопшти Меѓународната агенција за атомска енергија на ОН.
Меѓународната агенција за атомска енергија објави дека ја следи ситуацијата „многу внимателно“ и повика на „екстремна воздржаност“.
IAEA can confirm that there is no damage to #Iran’s nuclear sites. DG @rafaelmgrossi continues to call for extreme restraint from everybody and reiterates that nuclear facilities should never be a target in military conflicts. IAEA is monitoring the situation very closely. pic.twitter.com/4F7pAlNjWM
— IAEA – International Atomic Energy Agency ⚛️ (@iaeaorg) April 19, 2024
Свет
Америка го ограничи движењето на својот дипломатски персонал во Израел
САД го ограничија патувањето за персоналот на нивната амбасада во Израел и членовите на нивните семејства „од претпазливост“ по извештаите за израелски одмазднички напад врз Иран.
Амбасадата соопшти дека на персоналот им било кажано да не патуваат надвор од поширокиот регион на Тел Авив – вклучувајќи ги Херцлија, Нетања и Дури Јехуда – и областите Ерусалим и Беер Шева до понатамошно известување.
„Безбедносната средина останува сложена и може брзо да се менува во зависност од политичката ситуација и неодамнешните настани“, се вели во соопштението објавено утрово.