Свет
Арапската лига ги обвини Иран и Турција за мешање во конфликтите на Блискиот Исток
Генералниот секретар на Арапската лига, Ахмед Абул Гејт, во неделата ги обвини Турција и Иран дека се мешаат во конфликтите во Либија, Сирија и Јемен, пренесува „Спутник“.
„Ние [заедно со Европската Унија] изразивме загриженост во врска со тековните воени конфликти во Јемен, Либија и Сирија, како и странското мешање во нив, и од Иран и од Турција”, рече Гејт на маргините на првиор самит Арапска лига-ЕУ во Шарм ел Шеик.
Тој истакна дека не постои воено решение за конфликтите во Јемен, Либија и Сирија, и укажа на потребата за зачувување на територијалниот интегритет на овие држави.
Самитот ЕУ-Арапска лига почна во недела и ќе заврши денес. На него присуствуваат речиси 50 земји, и речиси сите се претставувани на највисоко ниво. Агендата на самитот ги вклучува мултилатералноста, трговијата и инвестициите, миграцијата, безбедноста и состојбата во регионот.
Меѓутоа, подготвителниот министерски состанок во Брисел на 4 февруари не резултираше со заедничка декларација, наводно поради недостиг од консензус за одредени прашања и тековните конфликти во Блискиот Исток.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.