Свет
Асанж пред судот во Еквадор изјавил дека е изложен на ризик од атентат
„Викиликс“ објави транскрипт од говорот на Џулијан Асанж на сослушувањето зад затворени врати во еквадорскиот суд, каде што се пожалил дека новите ограничувања што му се наметнати ги кршат неговите уставни права, пренесува „Спутник“.
Асанж сведочеше пред судот за својата ситуација преку „Скајп“ на 29 октомври. Тој призна дека не се чувствува безбедно во Амбасадата на Еквадор во Лондон, каде што е затворен од 2012 година.
„Луѓе се обидуваа да влезат во Амбасадата низ прозорците ноќе. Изложен сум на ризик од атентат и ова не е шега, сериозно е“, се вели во објавениот транскрипт.
На судењето Асанж побарал од судијата итно да ги забрани неговото продолжено замолчување и изолацијата – барање што на крајот беше отфрлено.
„Владата одигра игра во која се обиде да ги претстави овие многу сериозни ограничувања за човековото достоинство како да станува збор за интернет. Не е само интернетот, туку ограничени се сите мои телефонски повици“, рече тој додавајќи дека во зградата биле инсталирани три попречувачи на сигналот.
Според транскриптот, Асанж тврди дека со таквите чекори властите на Еквадор отвораат пат за повлекување на неговиот статус на азилант и негово предавање на САД. Тој посочи дека ова промена се случила бидејќи Еквадор одлучил да потклекне на притисокот од САД.
„Поради разни слабости во владата на Еквадор, земјата стана слаба и почна да се потпира на САД и на Велика Британија за поддршка, а со тоа го зајакна влијанието од САД“.
Транскриптот беше објавен неколку дена откако „Викиликс“ објави дека Асанж може да биде протеран од Амбасадата многу бргу. По најавата, специјалниот известувач на ОН за правото на приватност најави посета на Асанж на 25 април за да утврди дали неговите права се навистина прекршени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони кои ќе бидат наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации Хоризонт Европа од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.