Свет
Асанж се појави пред судот во Лондон за прашањето за екстрадиција во САД
Основачот на „Викиликс“, Џулијан Асанж, денеска се појави пред судот во Лондон во рамките на постапката за негова екстрадиција во САД. Против Асанж се поведени обвиненија за шпионажа, а тој не успеа да го одложи процесот со цел неговиот правен тим да има повеќе време за да се подготви за случајот.
Светските медиуми јавуваат дека Асанж кренал тупаница кон неговите поддржувачи кои седеле во галеријата на судницата за да го видат нивниот херој. Според медиумите, тој изгледал слаб, но здраво, зборувал многу благо и на моменти се чинел уморен и збунет.
Кога судијката одбила да го одложи процесот, Асанж со нервозен глас рекол дека не ги разбира процедурите пред судот. Тој исто така рекол дека неговиот случај не е фер затоа што американската влада има неограничени ресурси, а тој нема лесен пристап ниту до адвокати ниту до документите што му се потребни за да се бори против екстрадицијата.
„Тие ги имаат сите предности“, рекол 48-годишниот Асанж кого САД го бараат поради објавување десетици илјади тајни владини документи преку „Викиликс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.