Свет
Бајден одби да коментира за британските медиуми – „Би-би-си? Јас сум Ирец!“
Британско-американските односи под потенцијалното претседателство на Џо Бајден се на лош почеток откако 77-годишниот демократ одби да даде коментар за британскиот печат велејќи: „Би-би-си? Јас сум Ирец!“
Броењето на гласовите во САД продолжува во некои области и резултатите не се официјално заверени, а претседателот Доналд Трамп обвинува за измама и одбива да се повлече. Сепак, многу од мејнстрим-медиумите го прогласија Бајден за победник или барем за најверојатен победник на изборите.
Јавно финансираната британска радиодифузна корпорација Би-би-си беше еден од тие медиуми, но ниту ова ниту несомнено избрзаните честитики од премиерот Борис Џонсон до Бајден се чини дека не им направија никаква услуга, како што открија кога му побараа кус коментар за нивните гледачи.
„Би-би-си? Јас сум Ирец“, одговори Бајден оддалечувајќи се со насмевка, што според некои беше сигнал дека демократот – кој претходно не криеше дека е непријателски настроен кон брегзитот – нема да биде пријателски настроен кон Велика Британија како полубританецот Трамп.
„Како што можете да видите од овој клип, Бајден ја мрази Велика Британија“, коментира водечкиот поборник за брегзит и сојузник на Трамп, Најџел Фараж.
As you can see from this clip, Biden hates the UK.
The Conservatives had 4 years to do a trade deal with the USA and pro-UK President, and they failed.
There is no chance now.
— Nigel Farage (@Nigel_Farage) November 7, 2020
„Конзервативците имаа 4 години да склучат трговски договор со САД и со пробританскиот претседател и не успеаја. Сега нема шанси“, додаде тој осврнувајќи се на британско-американскиот трговски договор поттикнат од претседателот Трамп, кој Британците можеа да го потпишат откако го повратија своето право од ЕУ да склучуваат меѓународни трговски зделки.
Well done @JoeBiden & @KamalaHarris. pic.twitter.com/CJSqGd7tkT
— Gerry Adams (@GerryAdamsSF) November 7, 2020
Сметајќи се себеси за Ирец – иако неговиот колонијален предок Вилијам Бајден се чини дека бил Англичанец – Бајден беше прилично јасен дека ја зазема страната на ЕУ во нејзините кавги со Британците притискајќи ги да потклекнат пред разните барања на ЕУ за постојана контрола над нивните територијален риболов, државна помош и регулаторен режим во име на мирот во Северна Ирска, и составен дел на Обединетото Кралство поделено помеѓу британското унионистичко мнозинство и ирското националистичко малцинство.
Ентони Гарднер, советник во кампањата на Бајден и поранешен амбасадор на САД во ЕУ, предвиде дека Бајден ќе објави декларација за поддршка на ЕУ рано на почетокот од мандатот – можеби уште првиот ден – а поранешниот британски амбасадор во САД, Ким Дароч, исто така предвиде дека тој можеби нема да има топол однос кон Борис Џонсон поради незадоволството од британскиот лидер кај некои луѓе на Обама во неговиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.