Свет
Белата куќа бара од Трамп да се определи на чија страна е
Новата американска администрација треба да се определи каква позиција ќе заземе – руската или на американската разузнавачка заедница, изјави во портпаролот на Белата куќа, Џошуа Ернест откако претходно беше оценето дека изјавите на рускиот претседател Владимир Путин се совпаднале со изјавите на претставници на новата администрација, во кои се укажуваше на обидите да се стави под сомневање легитимноста на изборот на новиот американски претседател Доналд Трамп.
„Ова, дефинитивно, многу потсетува на она што го зборува новата администрација. Ова не е првпат рускиот претседател да ја проблематизира чесноста на американската влада“, рече Ернест.
Портпаролот на заминување од Белата куќа истана дека новиот претседател Доналд Трамп и претходно го критикувал американското разузнавање, алудирајќи на изјавите на рускиот челник.
Претходно во вторникот Путин ја обвини сегашната администрација на САД за обид да се доведе под прашање легитимноста на избраниот претседател Доналд Трамп.
„Во моментов во САД гледаме продолжување на острата меѓупартиска војна, и покрај тоа што претседателските избори завршија со убедлива победа на господин Трамп“, изјави Путин пред новинарите,
На редовниот брифинг во Белата куќа во вторникот портпаролот Џош Ернест беше прашан од новинарите да ја коментира изјавата на рускиот претседател Владимир Путин, за тоа дека оние кои во САД се занимаваат со фалсификување на фактите се полоши од проститутките. Во одговорот, во текот на својот последен официјален брифинг, Ернест посочи дека припадниците на американската разузнавачка заедница „не првпат укажувале на непријатни работи во однос на Русија“.
„Има прилично јасна е поделба. Од една страна припадниците на разузнавачката заедница, како и на демократи и републиканци во Конгресот, вознемирени од методите со кои Русите се стремат да ја поткопаат нашата демократија. Од другата страна се WikiLeaks и Русите. Новата администрација треба да се определи за своите позиции“, смета Ернест.
Тој го илустрираше тоа со своето тврдење дека кога Русија донела одлука за воздушните удари врз терористичките групи, за да видат „што САД и нивните сојузници прават таму за борбата со тие екстремисти“.
Во продолжение Ернест изјави дека Русија во Сирија „извојувала само една победа со терористите“ при заземањето на Палмира, „којашто подоцна бунтовниците ја вратија под своја контрола“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.