Свет
Белорусија не исклучува одговор со сила на заканите во рамките на сојузот на држави
Белорусија не ја исклучува можноста да одговори со сила на воени закани во рамките на сојузот на Русија и Белорусија и Организацијата за договор за колективна безбедност (ЦСТО), изјави шефот на Секторот за меѓународна воена соработка на белоруското Министерство за одбрана, Олег Воинов, пренесува ТАСС.
„Меѓу другото, не исклучуваме реакција со сила на директни воени закани во рамките на активните договори на сојузот на Русија и Белорусија и Организацијата на договорот за колективна безбедност во случај на отворена воена агресија против Белорусија и вооружен конфликт“, рече Воинов.
Тој додаде дека Минск може да постави дел од единицата на регионалните вооружени сили на својата територија во близина на западната граница.
„Може да кажеме дека ова не се должи на заканата за сојузот на Русија и Белорусија од Полска или од балтичките држави, ова се должи на заканата од земјите лоцирани илјадници километри подалеку“, посочи тој.
Воинов истакна дека во оваа тешка ситуација, Белорусија ја цени поддршката на своите партнери Русија и Кина, додавајќи дека нивната поддршка покажува дека патот што го избраа Белорусија и белорускиот народ е вистинскиот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.