Свет
Бизнисмен од Мајами во станот внел девојка што ја запознал во клуб, се разбудил „олеснет“ за 600.000 долари и два „Ролекса“
Полицијата во Мајами трага по непозната девојка, за која се сомневаат дека дрогирала маж кој го запознала во клуб, а потоа го ограбила.
Му украла накит и часовници во вредност од 600.000 долари, меѓу кои и два Ролекса, пишува „Њујорк пост“.
Полицијата објави видео од девојката која ноќта на 8 мај во клуб го запознала мажот. Ја повикал во неговиот стан, каде што пристигнале во мугрите, околу 5 часот и 30 минути наутро. Двајцата пиеле алкохол, а бизнисменот по една пијачка загубил свест.
Полицијата се сомнева дека девојката го дрогирала. Кога се разбудил околу пладне, повикал полиција бидејќи сфатил дека неговиот сеф е отворен и дека накитот му го нема.
На снимката објавена од полицијата, жената, за која властите веруваат дека е во раните до средината на 30-тите, била снимена со две чаши во рака. Детективите велат дека не било случајно, туку како го направила за да не можеат да ја откријат нејзината ДНК.
Ја земала другата чаша, неговата, за да не откријат каква дрога има внатре. Властите во Мајами ги повикаа граѓаните да контактираат со нив доколку имаат информации поврзани со случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.