Свет
Бил Гејтс: Очекував повеќе од вакцините
Бил Гејтс, основачот на „Мајкрософт“ и коосновач на хуманитарната фондација Бил и Мелинда Гејтс, смета дека е потребен огромен истражувачки напор, во вредност од десетици милијарди долари, за да се осигура дека светот ќе биде подобро подготвен за следната пандемија, која може да биде многу полоша од ковид.
Тој рече дека е апслолутно вџашен од бројот на смртни случаи од коронавирус и економската штета предизвикана од пандемијата и дека треба се да финансира работата на подобрување на вакцините, третманите и дијагностичките тестови што ќе бидат потребни за поефикасна борба против следната пандемија.
„Не добивме вакцини кои спречуваат инфекција. Вакцините што ги имаме го чуваат нашето здравје, но во многу мала мерка го намалуваат преносот. Ни треба нов начин за правење вакцини“, рече Гејтс во интервју за Policy Exchange.
Експертската група за ефикасност на вакцините во САД проценува дека „астразенека“ нуди 65 проценти заштита од инфекцијата по две дози, а вакцината на „Фајзер“ нуди 75 проценти заштита. И двете вакцини треба да бидат околу 95% ефективни во заштитата од хоспитализација. Меѓутоа, проблемот е што имунитетот стекнат по вакцинацијата слабее со текот на времето.
Гејтс порача дека е незадоволен што нема ефективни третмани за ковид, додавајќи дека иако „дексаметазон“ и новиот антивирусен лек „молнупиравир“ може да помогнат, ефектот од терапијата е многу помал од очекуваното.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Емануел Макрон: Постои ризик Европа да умре
Францускиот претседател Емануел Макрон за време на говорот на Универзитетот „Сорбона“ во Париз изјави дека постои ризик Европа да умре.
Макрон истакна дека битката за изградба на силна Европа е далеку од завршена и ризикува да заостане зад светските ривали во наредната деценија, пренесува „Ројтерс“.
Европа, како што оцени Макрон, е на пресвртна точка и мора да стори повеќе за да се натпреварува со забрзаното вооружување на своите глобални ривали.
Свет
Хамас: Ќе станеме политичка партија ако се формира палестинска држава
Заменик-претседателот на политбирото на Хамас за Газа, Калил ал-Хаја, рече дека палестинската милитантна група е подготвена да се договори за петгодишно примирје со Израел и да се претвори во политичка партија доколку се формира палестинска држава со границите од 1976 година.
Ал Хаја, претставник на Хамас во преговорите за прекин на огнот и враќање на заложниците, рече дека групата ќе прифати „целосно суверена палестинска држава на Западниот брег и Појасот Газа и враќање на палестинските бегалци во согласност со меѓународните резолуции“.
Во интервју за „Асошиетед прес“ тој додаде дека во тој случај военото крило на Хамас ќе биде распуштено.
„Сите искуства на луѓето што се бореле против окупаторите, кога се осамостоија и ги освоија своите права и својата земја, се претворија во политички партии, а нивните борбени сили се претворија во национална армија“, рече тој.
Тој оцени дека долго најавуваната израелска копнена офанзива во градот Рафа нема да го победи Хамас.
Свет
Погодена железница во Украина, оштетен и облакодер: Русите нападнаа со моќниот „Искандер“
Руски проектил оштети критична инфраструктура и повреди шест лица во регионот Черкаси во централна Украина, изјави регионалниот гувернер.
Во нападот беше погодена цивилната и железничката инфраструктура во градот Смила, изјави портпаролот на украинските воздухопловни сили, Илја Јевлаш, во телевизиски пренос. Според првичните информации, во нападот бил употребен проектил „Искандер-К“, додаде Јевлаш.
Оштетени се и 47 приватни станбени згради и искршени се прозорци во станбена висококатница, објави на „Телеграм“ гувернерот на Черкаси, Ихор Табурец. Украинската воздушна одбрана ја собори воздушната цел, рече тој, додавајќи дека службите за итни случаи се на терен.
Руските сили претходно ја оштетија железничката инфраструктура во нападот на реонот на Днепар на 19 април, како што објавија украинските железници „Укрзализница“ на „Телеграм“.