Свет
Блинкен: САД ќе продолжат со воената помош за Украина
Американскиот државен секретар, Антони Блинкен, во телефонски разговор со украинскиот министер за надворешни работи, Дмитро Кулеба, вети дека Вашингтон ќе продолжи со силната економска и воена помош за Киев, изјави портпаролот на Стејт департментот, Нед Прајс, пренесува ТАСС.
„Секретарот ја истакна силната поддршка за Украина и приоритетот што САД го ставаат на суверенитетот на Украина, територијалниот интегритет и евро-атлантските аспирации. Блинкен вети дека ќе продолжи со силната економска и воена помош на САД за Украина“, се вели во соопштението.
Блинкен исто така ја истакна важноста од тоа Украина да го задржи напредокот во борбата против корупцијата и во спроведувањето на владеењето на правото и економските реформи што ќе ги зајакнат институциите на Украина и ќе обезбедат светла и просперитетна иднина за сите Украинци.
„Секретарот и министерот за надворешни работи Кулеба исто така разговараа за тековните напори на Украина за борба против Ковид-19 и за постигнување дипломатска разрешница за агресијата на Русија во источна Украина и на Крим“, се вели во соопштението.
По државниот удар во Украина во февруари 2014 година Крим и Севастопол одржаа референдум на кој 96,7 отсто од жителите на Крим и 95,6 отсто од гласачите во Севастопол избраа да се одделат од Украина и да ѝ се приклучат на Русија.
Рускиот претседател, Владимир Путин, го потпиша договорот за обединување на 18 март 2014 година, а Советот на Федерацијата (горниот дом на рускиот парламент) го ратификува на 21 март 2014 година. И покрај резултатите од референдумот, Киев одби да го признае Крим како дел од Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.