Свет
Босанка секој ден оди во џамијата во Нов Зеланд, но на денот на нападот ја спречил дождот
Најмалку 49 лица загинаа во градот Крајстчрч во Нов Зеланд при вооружениот напад во две џамии. Според информациите од светските медиуми, овој број би можел да се зголеми.
Како што пренесува хрватски „Индекс“, амбасадорот на БиХ во Австралија, Мирза Хајриќ, за „Дневни аваз“ зборувал за нападот во Нов Зеланд за кој рекол дека многу ги вознемирил Бошњаците што живеат таму.
„На Нов Зеланд можно е да доживеете земјотрес или друга природна катастрофа, но на вооружен напад, каков што се случи во џамиите, досега немаше повод ниту да се помисли. Ова е земја во која се зборува на 160 јазици, во која живеат 200 нации, во која нема национална или расна омраза. Нападот особено ги вознемирени Бошњаците и во Нов Зеланд и во Австралија особено поради фактот дека напаѓачот го извршил масакрот со слушање четнички песни, кои повикуваат на колење и убивање“, изјавил Мирза Хајриќ.
Хајриќ тврди дека во Крајстчрч живеат две бошњачки семејства. Притоа додал дека семејствата на Фатима Кафеџиќ и Рефик Шабиќ се живи и здрави.
„Фатима е редовен посетител на џамијата во која се случи масакрот. Утрово поројниот дожд ја спречил да појде на молитва, така што може да се каже дека божја волја е што таа преживеа. Јас сум во контакт со нашите луѓе. Тие се вознемирени. Овде во Австралија има многу луѓе, особено од Сребреница, кои масакрот во Нов Зеланд извршен со четнички песни ги потсети на она што го преживеале во 1995 година. Постојано ме бараат, заинтересирани се за повеќе информации, бидејќи стравуваат за своите пријатели и познајници што живеат во Нов Зеланд“, изјавил Хајриќ за „Дневни аваз“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.
Европа
Лавров: Москва се уште инсистира на вистинска руска Украина
По повеќе од две години интензивна војна во Украина, рускиот министер за надворешни работи Сергеј Лавров денеска го потврди тврдењето на Москва дека полага право да владее над соседната земја.
„Во најдобар случај, иднината на западна Украина е непозната“, рече Лавров во интервјуто во Москва за неколку руски телевизиски станици.
„Во спротивно ќе има само Украина која е навистина руска, која сака да биде дел од рускиот свет, која сака да зборува руски и да ги образува своите деца“, рече тој.
Не станува збор за каква било алтернатива, смета Лавров, кој е министер за надворешни работи од 2004 година и е лојален поддржувач и доверлив човек на претседателот Владимир Путин.
Русија не сака да ги напаѓа земјите на НАТО, како што се тврди на Запад за да ги исплаши гласачите, рече Лавров. „Но, ако сакаат да го донесат НАТО до нашите граници, тогаш секако дека ќе знаеме како да го спречиме тоа во Украина“, рече тој.
Како и другите високи членови на руското раководство, Лавров рече дека Русија е подготвена за преговори со Украина, но само под посебни услови.
Нема да има прекин на огнот за време на можните преговори, разговорите со украинскиот претседател Володимир Зеленски се бесмислени, а Киев мора да се откаже од својата формула за мир, рече тој.
Во есента 2022 година, Зеленски презентираше десет точки за мир, меѓу кои се издвојуваат повлекувањето на руската армија, реконструкцијата и компензацијата и гонењето на воените злосторници.