Свет
Британија побара од Пакистан да врати дома илјадници мигранти кои го пречекориле престојот
Лондон и Исламабад преговараат за договор со кој ќе се бори против Пакистанците што доаѓаат во Велика Британија со виза, а потоа остануваат таму по истекувањето на визите, изјави пакистанскиот министер за надворешни работи, Шах Махмуд Куреши, пренесува „Спутник“.
„Инициравме дијалог за ова што ќе им помогне на вистинските апликанти за виза што, пак, повеќе ќе му помогне на Пакистан“, рече Куреши на прес-конференција во Високиот комитет на Пакистан во Лондон во вторникот.
Тој потврди дека разговарал за проблемот со министерот за внатрешни работи на Обединетото Кралство, Саџид Џавид, за време на нивниот состанок во понеделникот.
Претходно, во соопштението за печатот по нивниот состанок беше објавено дека министрите разговарале за прашањето на имиграцијата и визите, при што Пакистан, наводно, ја нагласил потребата од дијалог за легалната миграција што ќе биде во согласност со итната потреба од човечки ресурси во Велика Британија додавајќи дека Пакистан е богат со човечки капитал.
Според студијата на Опсерваторија за миграција од 2017 година, пакистанските државјани учествуваат со речиси 9 отсто во лицата што биле доброволно отстранети или депортирани во 2017 година. Речиси 2.850 Пакистанци, кои ја напуштиле Велика Британија по влегувањето во земјата незаконски, ги пречекориле своите визи или на друг начин ги прекршиле условите за нивниот престој.
Тешко е да се одреди точниот број илегални мигранти, пакистански или други, во Велика Британија. Канцеларијата за национална статистика на Обединетото Кралство не собира процени за нелегалните имигранти велејќи дека самата природа на овој феномен го прави невозможно точно да се утврди бројот на луѓе што се во земјата незаконски. Сепак, според извештајот на Лондонската школа за економија, во земјата во 2007 година имало околу 533.000 нелегални мигранти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.