Свет
Британските ученици ќе добијат антитерористичка обука
Британските ученици на возраст од девет години ќе бидат вклучени во напорите за национална безбедност во време кога нивото на закана од тероризам останува „високо”.
Плановите за проширување на Програмата за терористички активности на владата, која ги опфаќа учениците на возраст од 11 до 16 години, сега ќе ги вклучува и помладите деца од петто и од шесто одделение, вели висок полициски службеник за „Ивнинг стандард“.
Неименуваниот офицер смета дека секој треба да одигра улога во националната безбедност и дека е важно децата да им помогнат да се идентификуваат сомнителните деца – нешто слично како „шпионите” од 1984 на Џорџ Орвел.
„Мислам дека младите луѓе влијаат на иднината во однос на начинот на кој пристапуваме кон безбедноста. Некои луѓе се загрижени дека би можеле да разговараме со петтодделенци и шестоодделенци, но поентата е дека на младите луѓе им се наметнуваат информации и не треба да се плашиме да влеземе во тој простор”, објаснува полицаецот.
Согледаната потреба дури и деветгодишните деца да играат улога во поддршката на националната безбедност, сигнализира колку е голема борба за Обединетото Кралство да се справи со големата закана од радикалниот исламски тероризам, особено кога околу 23.000 луѓе претставуваат барем „минимален ризик” за јавноста.
Секоја недека, во просек, еден осуден терорист е ослободен од затвор повторно на улиците на Британија, открива истрагата по ослободувањети на озлогласениот проповедник на омраза, Анџем Чудари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.