Свет
Британски епидемиолог убеден дека коронавирусот не потекнува од Кина
Еден од водечките светски епидемиолози, британецот Том Џеферсон, вели дека новиот коронавирус, најверојатно, не произлегол од Кина, како што се смета, особено сега кога знаеме дека траги од вирусот се пронајдени и во Шпанија во примероците од отпадните води од март 2019 година.
Џеферсон, кој работи во Медицинскиот центар при Универзитетот „Оксфорд“, рекол дека вирусот бил притаен, можеби и со години, пред да се активира кон крајот на минатата година.
One of the world’s leading epidemiologists thinks the coronavirus may not actually have originated in China, with samples of #COVID19 surfacing from Spain in early 2019. The coronavirus story keeps getting stranger…
– Peter Andrewshttps://t.co/DDMNc5XDiq
— RT (@RT_com) July 7, 2020
Тој укажува на многубројни студии кои го потврдиле присуството на вирусот во отпадните води од Европа до Јужна Америка. Интересно е тоа што сите овие примероци се со постари датуми од првиот случај на заразата во кинескиот град Вухан.
Италијанските истражители пронашле траги од вирусот во Торино во примероците од декември минатата година, многу пред да бидат потврдени првите случаи на заразата со Ковид-19 во оваа земја. Слично било и во Шпанија, каде што било откриено присуство на вирусот во примероците од март 2019 година.
Тоа не значи дека вирусот произлегол од Шпанија, но исто така не дава потврда дека води потекло од Кина. Џеферсон вели дека и натаму е рано да се каже каде точно настанал вирусот.
Неговата теза засега не е широко прифатена во научната заедница бидејќи не е првпат да предизвикува бурни реакции со своите ставови.
Тој веќе беше на удар на јавноста кога зборуваше за вакцините против грип. Тој истакна дека многу податоци што се користат во клиничките истражувања на таквите вакцини се сомнителни поради што стана непожелен во многу академски кругови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сандерс: Израел има за цел да ги елиминира Палестинците, а не Хамас
Американскиот сенатор Берни Сандерс рече дека она што Израел го прави во Појасот Газа повеќе не е војна против Исламското движење на отпорот Хамас, туку елиминација на животното ткиво на Палестинците.
Во говорот пред Конгресот за одобрување на странска помош, вклучително и безбедносна помош за Израел, Сандерс додаде дека она што се случува во Појасот Газа не е несреќа или воена грешка, туку пресметана политика која систематски се спроведува шест месеци.
Тој посочи дека е невозможно да се погледнат сите овие факти и да не се заклучи дека политиката на израелската влада е насочена да го направи Појасот Газа неподобен за живот, а тоа всушност и се случува.
Американскиот сенатор го критикуваше и американското соучесништво во војната во Појасот Газа и рече дека војната во Газа се гледа како израелско-американска војна.
Тој објасни дека „поголемиот дел од бомбите и воената опрема што ги користи Израел во војната во Појасот Газа ги обезбедува нашата земја со парите на американските даночни обврзници“.
Тој посочи дека САД и даваат милијарди долари на владата на Бенјамин Нетанјаху, која ги затвора границите на Појасот Газа и спречува храна и медицински материјали да стигнат до оние на кои им е потребна.
Сандерс рече дека Израел систематски го уништувал здравствениот систем во Појасот Газа, а од вкупно 37 болници уништил 26 од нив, кои се целосно вон функција, додека останатите само делумно работат.
Сандерс, независен член на Сенатот, рече дека ќе воведе законски амандмани за намалување на милијардите од воената помош за Израел, нагласувајќи дека САД не можат да продолжат да ја финансираат оваа „страшна војна“ во Појасот Газа.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.