Свет
Британски суд го одби барањето на Турција за екстрадиција на осомничените приврзаници на ФЕТО
Британски суд го одби барањето на Анкара за екстрадиција на тројца осомничени за наводна поврзаност со терористичката организација Фетула (ФЕТО), која стои зад неуспешниот пуч во Турција во 2016.
Судот на магистрати од Вестминстер соопшти дека поранешниот директор на „Коза холдинг“, Хамди Акин Ипек, и други двајца обвинети – Талип Бујук, наводниот „имам“ на терористичката група во Ирак, и Али Челик, директорот на банката „Асја“, нема да бидат екстрадирани во Турција, но пресудата е отворена за апелација.
Турција има право на апелација во судот во рок од 14 дена.
Ипек беше приведен во мај, откако Турција побара негова ектрадиција поради обвиненија поврзани со државниот удар.
Судот го заплени неговиот пасош и му забрани излез од Лондон, но го ослободи со кауција во висина од 50 000 фунти, процедура што не е невообичаена во Кралството.
Ипек, кој е обвинет за државен удар и обид за урнисување на турската влада и кршење на уставот, се соочува со две доживотни затворски казни.
Покрај ова, тој се соочува со затворска казна од можни 132 години за организирање терористичка група, воена и политичка шпионажа, лажирање документи и злоупотреба на пари во Турција.
Групата ФЕТО и нејзиниот лидер Фетула Ѓулен стојат зад неуспешниот пуч во Турција што се случи на 15 јули 2016. Во нападите загинаа 251 лице, а 2.200 беа повредени.
Анкара тврди дека ФЕТО исто така стои зад долгогодишната кампања со која групата сака да ја урниса државата преку инфилтрирање во институциите, особено војската, полицијата и судството на Турција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.