Свет
Британското Министерство за одбрана: Путин ќе мобилизира повеќе луѓе, следната цел се студентите
Русија најверојатно ќе воведе регрутација за уште повеќе луѓе за да ги задоволи зголемените воени потреби, тврди британското Министерство за одбрана.
Во најновиот разузнавачки извештај, Министерството соопшти дека пратениците во руската Дума во понеделникот воведоа нацрт-закон за промена на возраста за воена служба за мажи на 21-30 години, од сегашните 18-27 години.
Законот најверојатно ќе биде донесен и ќе стапи на сила во јануари 2024 година, се вели во извештајот.
„Руските власти веројатно се подготвуваат да олеснат пошироко регрутирање за да ги задоволат нивните воени потреби. Многу мажи на возраст меѓу 18 и 21 година во моментов бараат ослободување од воена служба бидејќи студираат на универзитети. Властите многу веројатно ја менуваат старосната граница за да го зголемат бројот на војници со тоа што ќе се осигураат дека студентите на крајот ќе бидат принудени да служат“, се наведува во извештајот, а пренесува Јутарњи лист.
Министерството соопшти дека Русија сè уште официјално им забранува на регрутите да работат во Украина, иако „најмалку стотици од нив најверојатно служеле поради административни грешки или откако биле принудени да потпишат договори“.
Дури и ако Русија продолжи да се воздржува од испраќање регрути во војна, дополнителните регрути ќе ослободат поголем дел од професионални војници за борба.
Русија спроведува воени циклуси двапати годишно, освен „делумната мобилизација“ спроведена минатата година, пишува Гардијан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Тешка автобуска несреќа во Јужна Африка, загинаа 45 лица
Министерството за транспорт на Јужна Африка денеска соопшти дека 45 лица загинале, а едно лице е повредено во автобуска несреќа кај Маматлакала во северната провинција Лимпопо.
Министерството објави дека возачот изгубил контрола над автобусот, кој потоа удрил во бариерите на мостот, по што возилото паднало преку мостот, удрило во земјата и се запалило.
Автобусот превезувал луѓе од Боцвана до Морија, град во Лимпопо.
Спасувачките операции продолжија до доцна денеска.
Некои тела изгореле до непрепознатливост, а некои патници останале заробени во урнатините на автобусот, соопштија сообраќајните власти во Лимпопо.
Регион
Барале 25.000 евра за да дадат информации за исчезнатото девојче: детали за апсењето на три лица во БиХ
Припадниците на полицијата привеле три лица, кои се осомничени дека преку ТикТок објавиле дека се поврзани со исчезнувањето на девојчето Данка Илиќ (2) во Србија.
„Федералната полициска управа, постапувајќи според актот на НЦБ Интерпол Белград, презеде мерки и дејствија од нејзина надлежност, што резултираше со лишување од слобода на три лица на територијата на Хаџиќ, Сараево“, беше потврдено и кои се сомничат дека имале сознанија за исчезнување на малолетно девојче од Србија.
Инспекторите на Одделот за компјутерски криминал на Федералната полициска управа, ги лоцирале по пат на ИП адреса лицата кои тврделе дека имаат информации за исчезнувањето на малолетно девојче, односно барале 25.000 евра за откривање информации.
„Малолетното девојче не е пронајдено на територијата на Хаџиќ, а кривичната истрага за лицата лишени од слобода е во тек“, изјави сојузниот инспектор Ервин Мушиновиќ.
Девојчето Данка Илиќ (2) во вторникот исчезна во Бањско поле кај Бор.
Оттогаш, потрагата по неа трае, а во Србија за прв пат е активиран системот амбер алерт.
Свет
(Видео) Руски борбен авион се урна кај Севастопол
Рускиот борбен авион Су-27 денеска се урна во морето во близина на кримското пристаниште Севастопол, а веста ја потврди и регионалниот гувернер Михаил Развозаев.
„Пилотот безбедно се катапултирал, а спасувачите на севастополската спасувачка служба го подигнале на оддалеченост од двесте метри од брегот. Цивилните објекти не се оштетени“, објави Развозаев на својот официјален канал.
Ein russischer Su-27 „Luftüberlegenheitsjäger“ ist vor der Küste Sewastopols brennend ins Meer gestürzt.
Russisches Militär behauptet Stock und Stein, dass es sich um einen „technischen“ Unfall und keinen versehentlichen Abschluss handelt.
Naaa ja. pic.twitter.com/8cWoc7jp4W— Julian Röpcke🇺🇦 (@JulianRoepcke) March 28, 2024
Се уште нема потврда како и зошто дошло до овој инцидент.
Медиумите првично објавија дека се урнал авионот Су-35, но се потврди дека се работи за моделот Су-27. Како што може да се види на снимката од несреќата, авионот се вртел во пламен на небото додека не паднал директно во Црното Море.