Свет
Британците го молат принцот Филип да ја врати возачката дозвола
Војводата од Единбург е забележан како вози нов „Ленд Ровер“, два дена откако учествуваше во сообраќајна несреќа на пат во близина на имотот Сандрингем во Норфолк. Фотографиите објавени во „Дејли мејл“ и во „Сан“ потврдуваат дека 97-годишниот принц Филип, возел сам на имотот во Сандрингем.
Новиот модел на „Фрилендер“, во кој бил виден принцот на возачкото место, е испорачан во петокот во Сандрингем, пренесе Би-би-си.
Принцот Филип не е повреден во несреќата, што се случи во четвртокот, но повредени се две жени. Војводата се судри со „Киа“, управувана од 28-годишна жена, која претрпела исекотини, додека другата, 45-годишна жена го скршила зглобот на едната рака. Без повреди поминало бебето, кое исто така се наоѓало во Киа-та.Војводата патувал сам во своето возило.
Полицијата соопштила дека ќе го истражи инцидентот и дека ќе се преземе мерки за одговорност.
Познатиот тв водител Џереми Кларксон им се придружи на сите Британци кои го повикаа британскиот принц Филип да се откаже од возачката дозвола, откако учествуваше во сообраќајната несреќа.
„Секогаш ни кажувале дека повозрасните возачи се подобри, поискусни и посигурни од помладите, но не ми се чини баш дека е така“ напиша славниот тв водител во таблоидот „Сан“.
Кларксон ја пофали сопругата на принцот Филип, Кралицата Елизабета Втора (92), дека сама се уште вози како мудар був.
„Се надеваме дека така ќе продолжи и дека возачката на својот сопруга ќе ја врати на полицијата“ напиша Кларксон.
Сообраќајната несреќа предизвика дебета на социјалните мрежи за тоа дали повозрасните лица треба да возат. Во согласност со британскиот закон, возачите постари од 70 години мораат да вршат систематски прегледи за да ја продолжат возачката дозвола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.