Свет
Бројни повици за мир и активности во Јужна Кореја на третата годишнина од WARP Самитот
Во моменти кога нуклеарните закани од страна на Северна Кореја стануваат се посилни, третата годишнина од WARP (Светската алијанса на религии за мир) Самитот во Сеул донесе огромен спектакл и зацврстување на мировните и демократски вредности.
Настанот кој се одбележа во јужнокорејската престолнина во периодот од 17-ти до 20-ти септември донесе огромен број на мировни активности во кои учествуваа преку илјада поранешни претседатели, меѓународни правни експерти и сегашни министри, религиозни лидери, женски лидери и младински претставници од 130 земји.
Во организација на јужнокорејската невладина организација “Небесна култура, светски мир“ (HWPL), централниот настан, односно мировниот фестивал беше одржан на фудбалскиот стадион во градот Хвасонг, каде имаше повеќе од 100 илјади гледачи и учесници во спектаклот посветен на ставањето крај на војните и светскиот мир.
Во своето обраќање по повод мировниот фестивал, претседателот на HWPL и светски познат јужнокорејски мировен активист, Ман Хи Ли порача дека начинот да се постигне светски мир е само преку поддршката за Декларацијата за мир и ставање крај на војните.
“Кој треба да го заштити светот? Тоа сме ние, глобалното семејство. Нити богатството, нити моќта не можат да бидат оставени како наследство, доколку не успееме да ги спречиме војните“, порача Ли, повикувајќи ги светските лидери и религиски лидери да дадат поддршка за Декларацијата за мир и ставање крај на војните.
Ли се осврна и на состојбата со Северна Кореја, потенцирајќи дека и покрај бројните препреки направени од страна на Пјонгјанг, неговата организација продолжува со мировните активности. „Северна Кореја досега направи шест нуклеарни тестови. И покрај тоа, HWPL продолжи со мировните активности, надминувајќи ги различните националности, народности и религии. Мораме да соработуваме заедно во овие мировни иницијативи за да ја постигнеме целта, а тоа е ултимативниот мир“, додаде тој.
Претседателката на Меѓународната група на жени за мир (IWPG), Нам Хи Ким, пак, истакна дека во моментов е потребно сите светски лидери да се обединат и да ја дадат поддршка за оваа Декларација, изработена од правни експерти ширум светот под покровителство на HWPL, и која нуди доста реални решенија за постигнување на светскиот мир.
“Веќе го знаеме решението, односно одговорот за постигнувањето на мирот, и доколку не реагираме, тогаш што ќе му се случи на овој свет? Нашиот избор може да го промени светот. Мораме да се обединиме и на светот да му го покажеме силното влијание коешто може да го направи мирот. Сите треба да ја поддржиме имплементацијата на меѓународниот закон со цел да ги заштитиме нашите деца од насилствата и агресиите.“, изјави Нам Хи Ким.
На настанот учествуваа и бројни претставници од балканските земји, а еден од нив беше и поранешниот хрватски претседател Иво Јосиповиќ, кој исто така повика на масовна поддршка за Декларацијата за мир и ставање крај на војните. “Сите ние, собрани преку HWPL, како и сите останати, треба да бидеме гласници на мирот во нашите заедници, нации и потоа во светот. Војните и ужасите постојано му се закануваат на човештвото, но и покрај тоа јас сум оптимист и верувам во мир кој ќе трае засекогаш “, рече Јосиповиќ.
Еден од најважните моменти во тридневниот настан беше кореографијата која се одржа за време на мировниот фестивал на фудбалскиот стадион во градот Хвасонг, подготвена од скоро 12 илјади членови на јужнокорејската невладина организацијата, а за која подготовките траеја неполни пет месеци.
Нивниот перформанс беше поделен на три дела: најпрво претставувањето на историја и ужасите од светските војни, потоа мировните активности на HWPL и на крајот мировното обединување на двете Кореи. Тридневниот настан во јужнокорејската престолнина донесе и бројни форуми и работилници посветени на кои учествуваа бројни претставници од владините, религиозните и граѓанските организации, а чии резултати беа претставени на затворањето на настанот.
Една од најважните теми на која светските лидери дискутираа за време на самитот беше воспоставувањето на концептот на “заедничко владеење“ при постигнувањето на мирот, како и спроведувањето на бројни мировни проекти во различни општествени сектори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка го ограничи движењето на својот дипломатски персонал во Израел
САД го ограничија патувањето за персоналот на нивната амбасада во Израел и членовите на нивните семејства „од претпазливост“ по извештаите за израелски одмазднички напад врз Иран.
Амбасадата соопшти дека на персоналот им било кажано да не патуваат надвор од поширокиот регион на Тел Авив – вклучувајќи ги Херцлија, Нетања и Дури Јехуда – и областите Ерусалим и Беер Шева до понатамошно известување.
„Безбедносната средина останува сложена и може брзо да се менува во зависност од политичката ситуација и неодамнешните настани“, се вели во соопштението објавено утрово.
Свет
Си-Ен-Ен: Остин разговараше со Галант пред нападот на Иран, Вашингтон не ја поддржува оваа акција
Американскиот секретар за одбрана Лојд Остин разговараше во четвртокот со израелскиот министер за одбрана Јоав Галант за „регионалните закани и дестабилизирачките дејства на Иран на Блискиот Исток“, соопшти Пентагон.
Повикот бил упатен пред Израел, како што пренесуваат медиумите, да изврши напад внатре на територијата на Иран, а во соопштението на Пентагон не се споменува никаква дискусија за плановите на Израел за овој напад, пренесува Си-Ен-Ен.
Неименуван висок американски функционер изјави за Си-Ен-Ен дека Израел во четвртокот ја информирал Америка дека во наредните денови ќе возврати на нападот на Иран минатиот викенд и дека Вашингтон не ја поддржува оваа акција на Тел Авив.
Тензиите меѓу Тел Авив и Техеран се зголемија по нападот на Иран врз Израел на 13 април, со повеќе од 300 беспилотни летала и проектили. Неименуван американски функционер претходно за Си-Ен-Ен изјави дека Израел утринава извршил напад на иранска територија, а иранската државна телевизија објави дека три беспилотни летала биле забележани над небото во Исфахан и биле уништени откако системот за противвоздушна одбрана на земјата бил активиран.
Новинската агенција „Фарс“ објави дека се слушнале „експлозии“ во близина на меѓународниот аеродром во Исфахан. Провинцијата Исфахан е дом на голема воздухопловна база, голем комплекс за производство на ракети и неколку нуклеарни локации, наведува Би-Би-Си.
Израелската војска соопшти дека „засега нема коментар“ за извештаите за експлозии во Иран. Иранскиот министер за надворешни работи Хосеин Амирабдолахиан изјави неколку часа пред да се слушнат експлозиите дека доколку Израел преземе каква било воена акција, одговорот на Техеран ќе биде „веднаш и на максимално ниво“, пренесува Танјуг.
Свет
Трамп: Опстанокот на Украина е важен за САД
Доналд Трамп рече дека опстанокот на Украина е важен за Соединетите Американски Држави.
Поранешниот претседател поголемиот дел од својата објава на својата платформа „Truth Social“ го посвети на поплаките дека европските сојузници на САД не трошат доволно за поддршка на Украина. Некои десничарски републиканци ја протолкуваа најавата како сигнал дека тој се противи на сегашниот пакет помош, иако Трамп експлицитно не го кажа тоа.
Сепак, објавата се чини дека е едно од првите признанија на Трамп дека опстанокот на Украина е важен безбедносен интерес на САД, оценуваат тие. Минатата година, кога беше прашан за конфликтот во интервју за Си-Ен-Ен, Трамп одби да каже дали сака Украина да ја добие војната со Русија.
„Зошто Европа не може да даде иста сума пари колку што инвестираа САД за да и помогнат на земјата во очајна потреба“, напиша тој.
„Како што сите се согласуваат, опстанокот и силата на Украина треба да ѝ бидат многу поважни на Европа отколку на нас, но тоа е исто така важно за нас“, напиша тој.
Објавата на Трамп дојде еден ден откако ја пофали Полска, по средбата во кулата Трамп во Њујорк со полскиот претседател Анджеј Дуда. Поранешниот претседател и полскиот лидер разговараа за предлогот на Дуда членките на НАТО да трошат најмалку 3 отсто од својот бруто домашен производ за одбрана, изјави претставник на кампањата.
Во моментов од нив се бара да потрошат најмалку два отсто од БДП.
Републиканскиот претседател на Претставничкиот дом на САД, Мајк Џонсон, рече дека тие ќе гласаат за пакетот помош за Украина во сабота, и покрај жестоките приговори од десното крило на неговата пратеничка група.