Свет
Бројот на разводи во пораст кај двојките во карантин поради коронавирусот
Барањата за развод вртоглаво се зголемуваат кај паровите во карантин поради коронавирусот и кај двојките под финансиски стрес, тврдат врвните адвокати за бракоразводни парници кои забележале пораст од 50 отсто на барања од потенцијални клиенти, пренесува „Њујорк пост“.
Според водечките експерти за семејно право на Менхетен, некои двојки принудени да поминуваат време заедно додека во карантин во затворени станови не се снаоѓаат добро за време на појавата на коронавирус.
Освен тоа, драматичните падови на финансиските пазари дополнително ќе поттикнат бран разводи кај богатите двојки затоа што побогатите сопружници може ќе посакаат развод додека вредноста им е намалена, што потенцијално ќе им помогне да ги избегнат големите финансиски издатоци кон поранешните брачни партнери, велат правните експерти.
Адвокатот за развод кај богатите во Њујорк, Вилијам Д. Забел, потврди дека имале за педесет отсто зголемен број повици изминатата недела од луѓе кои бараат застапување за постапки за развод.
„Луѓето кои уживаа во зафатен живот одеднаш се наоѓаат затворени заедно, во време на неверојатна вознемиреност. Ако богатите луѓе бараат причина за развод, економскиот пад е често мотивација, нето-вредност на побогатиот сопружник е помала, и затоа спогодбата би можела да биде помала. Очекувам дека ќе има голем број случаи на развод од висок профил во наредните месеци“, вели тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Мајката на осомничениот за убиството на Данка: Не го видов телото на мојот син
Светлана Драгијевиќ, мајката на Далибор Драгијевиќ, кој почина од насилна смрт во полициската станица во Бор, на распитот за убиството на Данка Илиќ (2), за порталот „Нова.рс“ вели дека нејзиниот починат син бил жртва на полициска тортура.
Таа истакнува дека не го видела телото, и дека се уште го чека извештајот од обдукцијата на нејзиниот син.
Драгијевиќ е брат на Дејан, осомничениот за убиството на девојчето Данка Илиќ. Тој беше приведен на 6 април под сомнение дека му помогнал на својот брат да го сокрие нејзиното тело, а почина ноќта меѓу саботата и неделата, односно на 7 април.
Мајката на Драгијевиќ за Нова.рс изјави дека никој не дошол кај неа да и каже дека нејзиниот син е претепан, туку дека само полицаецот дошол да ја извести за неговиот погреб.
„Не се сомневам дека ќе се дознае кој го убил, од Бор се. Извештајот од обдукцијата се уште не сум го добила, па се надевам дека ќе открие се“, вели Светлана, која исто така наведува дека не го видела телото на синот.
Неделникот „Радар“ неодамна објави дека обдукцијата покажала дека Драгијевиќ починал со насилна смрт, а доказ за тоа се бројните повреди што ги имал по телото. Но, полицијата во соопштението наведе дека Драгијевиќ починал од природна смрт, односно му се слошило во полициската станица.
Полицијата ги уапси работниците на ПУК „Водовод“ Дејан Драгијевиќ и Срѓан Јанковиќ под сомнение дека го убиле девојчето Данка Илиќ. Таткото Радослав и братот Далибор на осомничениот Драгијевиќ беа приведени под сомнение дека му помогнале да го сокрие телото на детето.
Телото на Данка се уште не е пронајдено.
Свет
Дмитриј Песков: Москва се придржува до идејата на Путин за создавање тампон зона во Украина
Москва се придржува до идејата на рускиот претседател Владимир Путин за создавање тампон зона во Украина за заштита од оружје со долг дострел, изјави на прес-конференција портпаролот на Кремљ, Дмитриј Песков.
„Што се однесува до тоа, ништо не е променето“, рече тој одговарајќи на новинарско прашање, пренесе ТАСС.
Портпаролот на Кремљ додаде дека прашањето за борбата против оружјето со долг дострел доставено до Украина и потенцијалните напади врз областите во кои тие се концентрирани е „прилично во надлежност на вооружените сили“.
Свет
Евакуација на две села во Русија поради поплави, стабилнo во Удмуртија
Во областа Абат во руската област Тјумен во тек е евакуација на жителите на две села поради поплави, ситуацијата во Удмуртија се стабилизира, а водостоите на реките во тој руски регион се намалуваат, соопштија официјални лица.
Жителите на селата Назарово и Јурга во областа Тјумен се евакуираат со бродови, пренесе „Интерфакс“.
Официјални лица соопштија дека нивото на водата во реката Лоза во руската Удмуртска Република, која поплави 120 станбени области во регионалниот центар Игра, се намали речиси 120 сантиметри.