Свет
Вануату користи дронови за достава на вакцини до недостапните острови
Бебе на мал пацифички остров е првата личност што прими вакцина транспортирана со комерцијален дрон, објави Би-би-си. УНИЦЕФ обезбеди дрон за да испорача вакцини до недостижните места над планините во Вануату.
Речиси 20 проценти од децата во Вануату не ги примиле важните вакцини бидејќи испораката на истите е многу тешка. Организацијата на ОН за деца се надева дека испораката со дрон во иднина ќе биде од витално значење во отсечените области.
„Денеска, мал лет со дрон е голем чекор за глобалното здравје“, изјави извршниот директор на УНИЦЕФ, Хенриета Фор.
„Светот сè уште се бори со имунизацијата, што е најтешко да се стигне до децата, технологијата со дрон може да биде менувач за игри за премостување на последната милја за да се стигне до секое дете“, додаде Фор.
Дроновите досега биле користени за испорката на лекови, а како што велат од УНИЦЕФ, ова е првпат на глобално ниво една земја да има договор со комерцијална компанија за беспилотни летала за да добие вакцини во оддалечените области.
Беспилотното летало ги носеше вакцините во кутија со стиропор со ледени пакувања и температурен логер во оддалечено село на островот Ероманго, од заливот Дилон во западниот дел на островот до Кук Беј на исток.
Локалната медицинска сестра Миријам Нампил ја извршила вакцинацијата на 13 деца и пет бремени жени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ и Кина повикаа на воздржаност на Блискиот исток
Кина објави дека се противи на каква било ескалација на тензиите на Блискиот Исток.
„Кина се противи на какви било активности кои би можеле дополнително да ги ескалираат тензиите“, изјави денеска Лин Џијан, портпарол на кинеското Министерство за надворешни работи.
Реагираше и претседатката на Европската комисија, Фон дер Лајен.
Таа ги повика Иран, Израел и нивните сојузници да се воздржат од ескалација на ситуацијата на Блискиот Исток.
„Апсолутно е неопходно регионот да остане стабилен и сите страни да се воздржат од понатамошни активности“, рече Урсула фон дер Лајен.
Претходно утрово, светските медиуми објавија дека Израел го нападнал Иран и дека се слушнале три експлозии во близина на воена база во централниот град Исфахан.
Сепак, засега нема официјални информации од двете држави за тоа што се случувало.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.
Свет
Украина тврди дека соборила руски бомбардер
Украинските воздухопловни сили денеска соопштија дека собориле руски стратешки бомбардер првпат од почетокот на руската инвазија, а Москва објави дека авионот се урнал поради технички дефект и дека еден член на екипажот загинал.
„Првпат противвоздушните ракетни единици на Военото воздухопловство во соработка со одбранбеното разузнавање на Украина го уништија стратешкиот бомбардер со долг дострел ‘ту-22М3’, кој носи крстосувачки ракети ‘Х-22’“, изјави командантот на украинските воздухопловни сили на „Телеграм“.
Украинската воена разузнавачка служба (ГУР) соопшти дека рускиот авион „бил соборен благодарение на специјалната операција спроведена од украинското одбранбено разузнавање во соработка со воздухопловните сили“.
Руското Министерство за одбрана не потврди дека украинската страна нападнала еден нејзин авион, но воен извор изјавил за новинската агенција ТАСС дека бомбардерот „туполев-22М3“ се урнал во регионот Ставропол по борбена мисија додека се враќал во базата. Според овој извор, авионот не носел оружје.