Европа
Ватикан со појаснување на изјавите на папата за хомосексуалците – биле извадени од контекст
Во писмо испратено до амбасадорите, Ватикан појаснува дека изјавите на папата Франциско во врска со истополовите бракови во неодамнешниот документарец се извадени од контекст и дека црквата нема да ја смени својата доктрина во врска со истополовите бракови.
Документарецот „Франческо“ ја имаше својата премиера на 21 октомври на Римскиот филмски фестивал, а заврши на насловните страници на сите светски медиуми затоа што папата во него вели дека хомосексуалците имаат право да основаат семејства и дека е потребно да се регулираат истополовите бракови.
Ваквата изјава на папата наиде на одобрување од либералите, а конзервативците веднаш побараа да се прецизира контекстот во кој е дадена истата.
Државниот секретаријат на Ватикан минатата недела тивко испратил објаснување до своите амбасадори, кое потоа било порследено и до бискупите.
За писмото најпрво пријавил папскиот биограф. Извор од Ватикан го потврди неговото постоење, а амбасадорот на Ватикан во Мексико го објави на својата фејсбук-страница.
Во него се наведува дека две од изјавите на Франциско, кои се одговори на две различни прашања, биле монтирани во една изјава, исечени без прашањата.
„Хомосексуалците имаат право на семејство. Тие се божји деца и имаат право на семејство. Никој не смее да биде отфрлен и никој не смее да се чувствува мизерно поради тоа“, рече папата во филмот.
Режисер на документарниот филм е Русинот со американско државјанство Евгениј Афинеевски, кој рече дека разговарал со папата за филмот, но новинари подоцна откриле дека конкретната снимка е земена од интервју што Франциско го дал во 2019 година за мексиканска телевизија.
Афинеевски по премиерата на филмот не сакаше да разговара за процесот на монтажа, ниту, пак, е достапен за коментар во однос на писмото на Ватикан до амбасадорите.
Во него се наведува дека папата во првата своја изјава зборувал за правото на хомосексуалците да бидат прифатени од нивните семејства. Дел од публиката го толкуваше тој дел од изјавата како поддршка на Франциско за основање на семејство во истополова заедница.
Во писмото се наведува и дека во филмот е отсечен делот во кој папата се противи на хомосексуални бракови и дека тој зборувал за вонбрачна заедница во контекст на граѓанските закони за животно партнерство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.
Европа
Суспендиран рускиот свештеник кој одржа јавна молитва за Навални
Рускиот православен свештеник, кој во март отслужи служба за мртвите за починатиот руски опозициски лидер Алексеј Навални, е суспендиран од свештеничките должности на три години, соопшти Московската епархија на Руската православна црква.
Во соопштението објавено вчера на официјалната веб-страница на епархијата, не се наведува зошто е казнет свештеникот Дмитриј Сафронов. Нему му е забрането да дава благослов, да ја носи облеката и крстот на црковниот свештеник до 2027 година.
Сафронов треба да биде префрлен и во друга црква во Москва за да ги извршува должностите на читател на псалми. По завршувањето на периодот на покајание, врз основа на повратни информации од местото на послушанието, ќе се донесе одлука за можноста за негова понатамошна свештеничка служба“, се вели во соопштението на епархијата.
Сафронов одржа комеморација на 26 март, на која присуствуваа илјадници луѓе кои дојдоа да се простат од Навални, најжестокиот критичар на претседателот Владимир Путин во Русија.
Навални почина во февруари на 47-годишна возраст во казнена колонија на Арктикот.
Европа
Судот во Русија ја одби жалбата на американскиот новинар кој е во затвор поради шпионажа
Руски суд денеска ја отфрли последната од серијата жалби на новинарот на „Волстрит журнал“, Еван Гершкович, против истражниот затвор под обвинение за шпионажа.
Гершкович (32) е првиот американски новинар уапсен во Русија под обвинение за шпионажа по Студената војна. На 29 март минатата година тој беше приведен од Федералната служба за безбедност (ФСБ), а беше уапсен на задача во рускиот град Екатеринбург.
Руските власти тврдат дека тој се обидувал да дојде до доверливи информации кои требало да и ги пренесе на американската влада, но новинарот, весникот за кој работи и американската влада негираат дека тој е шпион.
Датумот на судењето се уште не е одреден, а притворот минатиот месец му беше продолжен за уште три месеци и треба да трае до 30 јуни.
Минатомесечното рочиште беше затворено за печатот, но во вторникот на новинарите им беше дозволено да го снимат Гершкович додека тој стои во стаклената кутија во судницата и им се насмевнува на колегите од медиумите.
Рускиот претседател Владимир Путин изјави дека во одреден момент Гершкович би можел да биде ослободен во замена за рускиот затвореник кој се држи во странство, но таков договор се уште не е постигнат.