Свет
(Видео) Азербејџан го нападна главниот град на регионот Нагорно-Карабах
Воздухопловните сили на Азербејџан го нападнаа главниот град на регионот Нагорно-Карабах, соопшти ерменското Министерство за одбрана.
Степанакерт е главен град на де факто независната држава Нагорно-Карабах во рамките на меѓународно признатиот Азербејџан. Има 40.000 жители, речиси сите Ерменци.
Ерменските и азербејџанските сили покажаа мала подготвеност да престанат со борбите по избувнувањето нови судири на 27 септември.
Повеќе од 100 луѓе, меѓу кои и многу цивили, се убиени во тешки борби, вклучувајќи употреба на вооружени беспилотни летала, тенкови, хеликоптери и повеќе ракетни системи по должината на поголемиот дел од линијата што ги одделува ерменските сили што го контролираат Нагорно-Карабах од азербејџанските трупи.
Во изјавата на 2 октомври Министерството за надворешни работи во Ереван рече дека го поздравува претходниот заеднички повик на Франција, Русија и на САД, копретседатели на групата од Минс на Организацијата за безбедност и соработка во Европа (ОБСЕ) за итно прекинување на непријателствата меѓу силите што се борат околу Нагорно-Карабах.
Ерменија денес изјави дека е подготвена да учествува во мировните разговори бидејќи меѓународните лидери продолжуваат да повикуваат на итен прекин на борбите со азербејџанските сили.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.