Свет
(Видео) „Американски Вухан“ – Њујорк е парализиран, сè е затворено
Американската метропола веќе има 450 починати лица кои биле позитивни за новиот коронавирус. Градот е на присилна пауза, работниците масовно губат работни места и нема сеопфатна помош од Вашингтон. Најголема е борбата за добивање на респиратор.
Речиси нема луѓе на Тајмс Сквер во Њујорк, каде обично е речиси невозможно да се пробиете заради метежот. Нема туристи околу мостот во Бруклин. Луксузните бутици на Петтата авенија се затворени, а прозорците на Бродвеј се затемни. Три недели откако беше потврден првиот случај на инфекција во Менхетен, централниот дел на Њујорк, коронавирусот го парализира животот во најголемата метропола во САД.
„Страшно е, но е потребно. Ризикот е едноставно премногу голем. Останува да се навикнеме да го правиме она што ни го кажува владата“, вели еден минувач.
Владата одлучи да ги затвори сите продавници и институции од јавно значење кои не се од „суштинска животна важност“. Фирмите масовно ги отпуштаат вработените, едвај има правни заштити против отпуштањата, а скратено работно време не постои. И рестораните, кои се борат да ја преживеат кризата и доставуваат храна, ги откажаа работните места за повеќето работници и ги исфрлија на улица.
„Имавме 30 работници. Минатата недела 90 проценти од нашите вработени мораа да бидат отпуштени од работа. Тоа се луѓе кои немаат пари или друг приход. Страшно е, но тоа е реалност“, вели еден сопственик на ресторан, пишува „Дојче веле“.
САД имаат најголем број на заразени со коронавирус во светот. Денеска бројката надмина сто илјади, со 450 смртни случаи само во Њјорк.
Според најновите информации, четири илјади Американци се во болниците затоа што имаат комплициран тек на болеста. Бројот на заразени лица се дуплира на секои три дена. Амбулантните возила и просториите за чекање во болниците исто така се преполни. Шатори се поставени пред болниците, така што пациентите не мора да чекаат надвор. Некои Њуорчани веќе го нарекуваат градот „американскиот Вухан“.
„Ние сме епицентарот на кризата“, вели градоначалникот на Њујорк, Бил де Блазио.
„Бидејќи ние сме епицентарот и најголемиот град во САД и сите очи се свртени кон нас, потребна ни е брза помош од Вашингтон“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бајден го потпиша законот: „Тик-ток“ има една година да најде нов сопственик или ќе биде целосно забранет во Америка
Американскиот претседател Џо Бајден потпиша закон што може да доведе до целосна забрана на „Тик-ток“ во САД, доколку „ByteDance“, кој е сопственик на „Тик-ток“, не го продаде својот удел во компанијата во рок од една година.
Портпаролот на „Тик-ток“, Алекс Хаурек, рече дека планираат да го оспорат овој закон на суд, што би можело дополнително да ги одложи роковите, доколку судот одлучи да го одложи спроведувањето на законот до конечната судска одлука.
Исто така, се поставува прашањето како Кина ќе реагира на оваа ситуација и дали ќе дозволи „ByteDance“ да го продава „Тик-ток“, а особено неговиот алгоритам кој ги задржува корисниците заинтересирани за апликацијата.
Директорот на „Тик-ток“, во видео порака го изразува своето незадоволство посочувајќи дека станува збор за потенцијална забрана која ќе влијае на корисниците на апликацијата и нивната слобода на говор.
Регион
Воз налета на пешак: трагедија кај Стара Пазова
Вечерва околу 19:15 часот брз воз налетал на пешак на брзата пруга Нови Сад-Белград.
Несреќата се случила меѓу станиците Инѓија и Стара Пазова.
Засега не се знае точно како дошло до несреќата, а полицијата врши увид на лице место.
Информирани се сите надлежни служби, пишуваат српските медиуми.
Европа
Шпанскиот премиер размислува да се повлече од функцијата, отворена истрага против неговата сопруга
Шпанскиот премиер Педро Санчез денеска објави дека се повлекува од јавните должности затоа што мора „да застане и да размисли“ дали ќе продолжи да биде шеф на владата откако судот во Мадрид отвори прелиминарна истрага против неговата сопруга за корупција и трговско влијание.
„Итно ми треба одговор на прашањето дали вреди, дали да продолжам да ја водам владата или да се откажам од оваа чест“, објави тој преку социјалната мрежа „Икс“.
Синдикатот Манос Лимпијас (Чисти раце) ја пријавил неговата сопруга Бегона Гомез дека им помагала на претприемачите на јавни тендери и го искористила тоа. Судот претходно денеска соопшти дека отворил истрага, без да даде детали.
Министрите од левичарската влада на Санчез оценија дека се работи за лажен извештај и дека синдикатот што го доставил е близок до екстремната десница.