Свет
(Видео) Брачна двојка впери оружје кон толпа која демонстрираше против расизмот во САД
Снимка од двајца Американци кои во неделата навечер со оружје ги пречекаа демонстрантите од движењето „Црните животи вредат“ (Black Lives Matter), откако толпата мина пред нивниот дом во Сент Луис, Мисури, стана вирална на социјалните мрежи.
Мажот, Марк Мек Класки, во рацете носеше полуавтоматска пушка АР-15, а сопругата Патриција Мек Класки носеше пиштол. И двајцата се белци, додека повеќето демонстранти, како што може да се види на снимката, биле Афроамериканци.
Видеото на „Твитер“ меѓу другите го сподели и американскиот претседател Доналд Трамп.
Демонстрантите биле дел од движењето кое со недели протестира против полициското расно мотивирано насилство, што ескалираше по убиството на Афроамериканецот Џорџ Флојд во Минеаполис, Минесота.
Толпата од неколку стотици демонстранти марширала низ населбата Портланд Плејс кон куќата на градоначалничката Лајд Кревсон, за да протестираат поради нејзиниот потег кој ги налути: јавното читање на имињата и адресите на луѓето кои ја поддржуваат контроверзната кампања за укинување на средствата наменети за полицијата (Defund the Police), која некои критичари ја толкуваат како повик за укинување на органите на редот.
They weren’t “in public.” They were on private property — but nice of you to omit that the mob broke through a gate and into a private residential neighborhood. MO recognizes castle doctrine your shame attempt here is absolute garbage. https://t.co/1Aivw0NxXB
— Dana Loesch (@DLoesch) June 29, 2020
Демонстрантите марширале по улици на таканаречена оградена заедница, во какви што обично живеат семејствата од високата класа во САД. Со нив низ населбата влегол и локалниот новинар Даниел Шулар, кој го снимил виралното видео, а толпата се решила на ваков потег со цел да го скрати патот и да ги заобиколи пречките и барикадите поставени на патот до куќата на градоначалничката.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.