Свет
(Видео) Вулканот на Хаваите исфрли чад во висина од три и пол километри, луѓето стравуваат од отровни гасови
Огромниот облак од пепел што го исфрли вулканот Килауеа на Хаваите достигнал висина од 3 и пол километри пред целосно да обвие делови од Големиот Остров.
Официјални лица предупредија жителите да останат во затворени простории, а авионите да го заобиколуваат критичното подрачје. Исто така, постои и закана од нова ерупција на вулканот во оваа сојузна американска држава. Пепел паднала на локации оддалечени дури 30 километри од вулканот, кој еруптира на 3 мај и оттогаш не се смири. Во меѓувреме лавата проголта десетици куќи и автомобили.
Source: Volcano Alerts At Highest Level As Eruption Intensifies In Hawaii by Newsy
Геологот и главен научник во вулканската опсерваторијата на Алјаска, Мишел Кумбс, за Си-ен-ен ги објасни актуелните случувања на Хаваите: „Во последните неколку дена бевме сведоци на подемот и падот на вулканската активност. Се чини дека системот на врвот е малку отворен, како што тоа ние го нарекуваме, па тоа го намлува притисокот. Значи, денес имаше интензивна активност, но не и голема ерупција“, изјавила таа.
Ова, сепак, не значи дека голема ерупција нема да се случи. Вулканот може да се затвори како што нивото на магмата во кратерот се спушта, па долу може да се акумулира силен притисок, додава Кумбс.
Покрај пепелта, која не е токсична, жителите на Големиот Остров на Хаваите треба да внимаваат и на гасот сулфур диоксид, кој може да предизвика задушување и смрт. Овој гас се шири од дури 21 пукнатина во земјата предизвикани од активниот вулкан. Официјални лица изјавија дека нивото на токсичен гас е опасно во некои места.
Took a real serious whiff of sulphur dioxide today near a vent and lava flow at Leilani Estates. The sensor in my hand was beeping and reached 66ppm. I couldn’t breathe, and eyes and lungs burned momentarily. It may have actually been the worst 10 seconds of my life. #Kilauea pic.twitter.com/aABWHyFcTl
— Scott McLean (@scottmclean) May 15, 2018
„Направив навистина сериозно вдишување на сулфурен диоксид покрај една од вулканските пукнатини. Сензорот што го имав во рака свиркаше и детектира 66 ppm честички. Не можев да дишам, а очите и белите дробови веднаш почнаа да ме печат. Тоа беа најлошите десет секунди во мојот живот“, напиша Скот Меклин, дописникот на Си-ен-ен, на „Твитер“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.
Регион
(Видео) Атина прекриена со сахарска прашина, нереални сцени во градот
Атина и јужните делови на земјата повторно беа обвиени со сахарска прашина, со нијанси на жолта и портокалова боја што создава нереална атмосфера во градот.
Облаци од прашина, пренесени преку Средоземното Море од Северна Африка, го обвиле Акропол и другите знаменитости на Атина, пишува „АП“.
Силните јужни ветрови носеа прашина од Сахара, па во последните часови од денот грчката престолнина изгледаше како да е користен филтер за фотографирање, пренесува Euronews.
🚨🇬🇷
HAPPENING NOW
The sky is totally orange over Athens, Greece
— Alex Barnicoat (@mrbarnicoat) April 23, 2024
Во среда се прогнозира разведрување на небото со поместување на ветровите и поместување на прашината и опаѓање на температурите.
Дневниот максимум во делови од јужниот остров Крит надмина 30 степени Целзиусови, повеќе од 20 степени Целзиусови над она што беше забележано во поголемиот дел од северна Грција.
Корисниците на социјалната мрежа Икс објавија видеа од необична „портокалова“ појава од територијата на цела Атина.
Веста за Атина во „портокалово“ многу брзо се прошири низ светските медиуми, а видеата ги споделија и профили на социјалните мрежи кои се занимаваат со глобални актуелни вести.
Свет
Уапсен заменикот на Сергеј Шојгу, осомничен е за примање мито
Рускиот заменик министер за одбрана Тимур Иванов е приведен под сомнение дека примил поткуп, соопштиРускиот истражен комитет.
„Заменик-министерот за одбрана на Русија, Тимур Владимирович Иванов, е приведен поради сомнение дека сторил кривично дело примање поткуп“, се наведува во соопштението објавено на каналот Телеграм на Истражниот комитет, пренесува РИА.
Во 2012 година, Иванов беше вицепремиер на Московскиот регион.
Од 2013 до 2016 година, тој беше генерален директор на АД Оборонстрој.
Во мај 2016 година со претседателски указ е назначен за заменик министер за одбрана.