Свет
(Видео) Гази сѐ пред себе: Видео од мостот Симон Боливар ја згрози светската јавноста
Светската јавност ја згрози видео од мостот Симон Боливар на границата помеѓу Венецуела и Колумбија, на која се гледа како оклопно возило ги пробива препреките на граничниот премин, не обрнувајќи внимание на луѓето кои стојат таму. Со возилото управувале тројца Венецуелци кои одлучиле да побегнат во Колумбија.
Инцидентот се случи за време на големите немири на границата, додека венецуелската опозиција, со поддршка на САД, се обидува да достави хуманитарна помош во латиноамериканската држава, што властите во Каракас го опишаа како пи-ар маневар со кој се прикрива криумчарењето на оружје.
Видеото кое го објави агенцијата „АФП“ прикажува оклопни возила кои со голема брзина се движат кон камерите и масата луѓе кои, пак, се обидуваат да побегнат. Предниот дел на возилото потоа удира во метална бариера која е поставена на границата. Во инцидентот повредени се неколку лица, меѓу кои и млада жена, чиешто лице е прекриено со крв.
Меѓу повредените е и новинарката од Чиле, Никол Крам.
Венецуелските власти, тројцата државјани кои се обидеа да побегнат во Колумбија ги нарекоа терористи. Властите соопштија дека тие украле две оклопни возила од Националната гарда за да изведат медиумски маневар, со кој управува опозицијата.
Опозицијата соопшти дека тројцата возачи застанале на страната на венецуелскиот народ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.
Свет
Столтенберг свика кризен состанок на Советот НАТО
На барање на Украина, генералниот секретар на НАТО, Јенс Столтенберг, за овој петок закажа состанок на Советот НАТО-Украина.
Главна тема на вонредниот состанок ќе биде потребата на Украина од повеќе системи за противвоздушна одбрана и артилериски гранати, изјави Столтенберг во Брисел.
На состанокот треба да присуствува и украинскиот претседател Володимир Зеленски, како и министрите за одбрана на земјите-членки на НАТО. Дали средбата ќе биде организирана преку видео конференција или со физичко присуство, првично не се знае.
Свет
Русија ги повлекува војниците од Нагорно Карабах
Руските воени мировни трупи се повлекуваат од Нагорно-Карабах, потврдија официјални лица од двете земји.
Руските мировници се таму од крајот на ерменско-азербејџанската војна во 2020 година.
Портпаролот на Кремљ, Дмитриј Песков, ги потврди извештаите за повлекувањето пред новинарите, но не даде детали.
Веста за повлекувањето ја потврди и азербејџанскиот министер за надворешни работи Хикмет Хаџиев, додавајќи дека двете земји се договориле за тоа.
Хаџиев не објасни зошто војниците се повлекуваат, но се чини дека нивното присуство е излишно откако Азербејџан ја врати целосната контрола врз регионот минатата година.
Во првата половина на 1990-тите, Нагорно-Карабах беше во фокусот на меѓуетничката војна по распадот на Советскиот Сојуз, во која и Ерменија и Азербејџан беа федерални единици.
Тој регион тогаш беше под целосна контрола на бунтовничките Ерменци до војната во 2020 година, кога Азербејџан ја врати контролата врз некои од неговите делови. Таа војна заврши со прекин на огнот и распоредување на 2.000 руски војници во деловите на Нагорно-Карабах кои останаа под ерменска контрола.