Свет
(Видео) Голема акција на шпанската полиција: одземени над 2 тони кокаин и уапсени 12 луѓе
Шпанската полиција заплени повеќе од два тони кокаин и уапси 12 луѓе, поврзани со мрежа на шверцери на дрога кои имаат врски во Парагвај и Бразил.
Според шпанската полиција, членовите на криминалната група се обиделе да ги сокријат своите траги со легитимни зделки, а истрагата што траела повеќе од една година кулминирала со заплена на 2,28 тони кокаин скриен во пратка од 40.000 килограми јаглен во пристаништето Алгесирас во јужна Шпанија.
?Desarticulada una organización dedicada al tráfico internacional de #cocaína a gran escala
La operación se ha realizado en las provincias de #Cádiz, #Cuenca, #Madrid, #Málaga, #Murcia, #Sevilla, #Tarragona y #Valencia
12 detenidos y más de 2.000 kilos de cocaína intervenidos pic.twitter.com/gDxM2Nxzx8
— Policía Nacional (@policia) January 18, 2021
Пред една година, полицијата идентификува двајца членови на таа криминална група во Мурсија и Севилја, кои наводно се занимавале со легален бизнис за увоз на јаглен од Јужна Америка, а поради пандемијата, групата го преместила својот бизнис од Барселона во Алгесирас кон средината на април минатата година.
Лидерите на криминалната мрежа регрутирале луѓе да работат пред увозните компании за да ја сокријат нивната вмешаност, а тие ги переле парите во Валенсија. Тие исто така користеле криптовалути за да ги „маскираат“ парите, како и многу криминални групи од Источна Европа и Јужна Америка.
За време на истрагата, полицијата прислушувала повеќе од 100 телефони и ги следела осомничените во бројни шпански провинции. Исто така, извршен е претрес во 16 куќи и компании.
Од 12 уапсени, шестмина беа приведени, додека шестмина се ослободени под посебни услови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Драма во Америка: во куќа пронајдени тела на пет лица, меѓу нив и деца
Телата на пет лица, меѓу кои и две деца, се пронајдени во куќа во Оклахома Сити, соопшти денеска американската полиција.
Получникот Гери Најт од полицијата на државата Оклахома изјави дека загинатите биле семејство и дека починале од насилна смрт, пренесува „Ен-би-си њуз“.
Најт додаде дека полицијата сè уште не може да открие што точно откриле инспекторите.
Полицијата беше испратена во дом на 20-ина милји западно од центарот на Оклахома Сити под сомнение дека таму се наоѓаат телата, рече Најт.
Според него, на сите тела имало повреди, кои изгледале како да се работи за убиство.
Свет
Швајцарија ги замрзна руските средства во вредност од 5,8 милијарди франци
Швајцарија го замрзна рускиот имот во вредност од 5,8 милијарди швајцарски франци или 5,95 милијарди евра, објави денеска Државниот секретаријат за економски прашања на земјата (SECO).
Оваа бројка се однесува на вкупната вредност на руските средства замрзнати од Швајцарија од почетокот на војната во Украина до крајот на 2023 година.
Вредноста на замрзнатите руски средства во Швајцарија е значително помала отколку на крајот на 2022 година кога изнесуваше 7,5 милијарди швајцарски франци, пренесува „Ројтерс“.
Регион
(Видео) Во Хрватска падна снег
На подрачјето на Горски Котар во Хрватска синоќа падна снег, а на места имаше и вистинска снежна покривка.
Снег ја зафати и горанската делница на автопатот А6 Риека – Загреб, но работниците на зимската служба минаа низ снегот и до утрово нема ограничувања во сообраќајот, јавува Н1.