Свет
(Видео) Голема експлозија во Гана – има мртви, уништени стотици згради
Експлозија во руралниот западен регион на Гана денеска срамни со земја стотици згради и загинаа непознат број жители кога камион што превезувал експлозиви во рудник за злато се судрил со мотоцикл.
Видеата, чија автентичност не е потврдена, го покажуваат местото на експлозијата, каде што зградите се сведени на купишта дрво, тули и искривен метал.
Едно видео покажува две тела на земја покриени со прашина. Фотографијата споделена од член на локалниот совет покажува длабок кратер во епицентарот на експлозијата.
Сеџи Саџи Амедону, заменик-генерален директор на Националната организација за управување со катастрофи, рече дека се уништени 500 згради. Регионален службеник за итни случаи изјави за локалните медиуми дека видел 10 мртви тела.
На жителите им е препорачано да ја напуштат областа заради нивна безбедност и да заминат во околните градови, се вели во соопштението на полицијата. Од блиските градови е побарано да отворат јавни простори, вклучително училници и цркви за сместување на преживеаните, соопшти полицијата.
Експлозијата се случила кога мотоцикл удрил под камион кој превезувал експлозиви во сопственост на компанијата „Максам“ во рудникот за злато „Чирано“, управуван од „Кинрос“ од Торонто.
Портпаролот на „Кинрос“ го потврди инцидентот велејќи дека се случил на 140 километри од рудникот. Претседателот на Гана, Нана Акуфо-Адо, на „Твитер“ објави дека е информиран за инцидентот и потврди дека има мртви.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Жена во Бразил донела мртов маж во банка за да може да подигне кредит
Бразилската полиција уапси жена осомничена дека донела мртов маж, за кој вели дека и е вујко, во банка за да земе кредит. На социјалните мрежи се појави видео на кое се гледа како жена на шалтерот на банката „Итау“ во Рио де Жанеиро ја крева главата на постар маж во инвалидска количка и се обидува да му стави пенкало во раката.
Од полицијата велат дека осомничената се обидувала да земе кредит во износ од 3.000 долари, кој банката веќе го одобрила, но за што било потребно одобрение и од вујкото. Додека таа се обидувала да му го наместо пенкалото, главата му паѓала назад, пишува „Си-ен-ен“.
„Вујко слушаш, мораш да потпишеш. ако не потпишеш нема шанси. Не можам да ти потпишам, мораш. Ајде потпиши, не прави проблем, јас не можам, направи го тоа повеќе“, му зборувала жената. Еден од вработените во банката во тој момент изјавил дека постарата личност најверојатно не се чувствува добро.
Шефот на цивилната полиција на Рио де Жанеиро, Фабио Луис Соуза, изјави дека вработените во банката потоа решиле да повикаат брза помош. Кога пристигнале болничарите, утврдиле дека човекот бил мртов неколку часа и дека не бил жив кога бил донесен во банката. Полицијата води истрага, а засега не е покренато обвинение.
Адвокатот на семејството го демантираше полицискиот извештај: „Работите не испаднаа така. Човекот беше донесен жив во банка. Мојата клиентка е целосно потресена, зема лекови“.
Регион
ХДЗ слави победа на изборите во Хрватска по првите официјални резултати
Објавени се првите официјални резултати од изборите одржани денеска во Хрватска.
Според првите официјални информации, по 25 отсто преброени гласови, ХДЗ слави победа. ХДЗ води убедливо, а резултатите во штабот беа дочекани со ентузијазам и скандирања „победа“.
ХДЗ 65, „Реке правде“ (СДП) со 41, ДП 14, Мост 9, ИДС 4, Можемо 3, Фокус 3, НП Север 2.
Од друга страна, во штабот на СДП владееше молк.
Регион
Три сантиметри снег на Копаоник
На Копаоник се измерени три сантиметри снег, соопштија вечерва за агенцијата Бета во локалната метеоролошка станица.
Врне снег со слаб интензитет и со повремени прекини.
Температурата е минус три Целзиусови степени, а во моментов дува северен ветер со брзина и до три метри во секунда.