Европа
(Видео) Голем марш на радикалната десница во Варшава: „Ја браниме нашата цивилизација“
Полски националисти и десничарски радикали денеска се судрија со полицијата, додека илјадници луѓе им пркосеа на владините мерки против коронавирусот за да се приклучат на парадата на независноста во Варшава.
Неколку полицајци се повредени во судирите, соопшти полицијата на „Твитер“. Според снимките објавени на локалните телевизии, полицијата употребила солзавец и гумени куршуми против демонстрантите кои фрлале со камења и пиротехника.
After today’s Independence Day march in Warsaw was banned by the mayor, the organisers called on participants to attend instead in cars and on bikes. However, many have arrived at the meeting point on foot https://t.co/MvgImM1YRa
— Notes from Poland ?? (@notesfrompoland) November 11, 2020
Учесниците на парадата носеа полски знамиња, а некои дури носеа и плакати на кои пишуваше „Ние ја браниме својата цивилизација“.
Голем број полицајци беа распоредени на улиците, а многу делници беа блокирани.
Парадата се одржува во Варшава секоја година на 11 ноември, на Денот на независноста на Полска. Додека организаторите велат дека тоа е приказ на патриотизам, многумина сметаат дека станува збор за националистички протест.
Some participants in the Independence March have clashed with police. For more footage, see the timeline of @piotrdrabik, a journalist on the ground pic.twitter.com/wESsY4sw40
— Notes from Poland ?? (@notesfrompoland) November 11, 2020
Градските здравствени власти се спротивставија на одржувањето на парадата оваа година поради страв од ширење на коронавирусот и повикаа на почитување на актуелните ограничувачки мерки.
Организаторите, пак, повикаа на дефиле со автомобили и мотоцикли низ центарот на градот, но многу учесници излегоа од своите возила по споредните улици и продолжија пеш.
Годинашната парада се одржа под слоганот „Наша цивилизација, наши правила“, а постерот со кој се промовираше настанот прикажува витез кој крши ѕвезда во црвена боја и боите на виножитото, очигледна референца за комунизмот и ЛГБТ-заедницата.
Во медиумските извештаи се наведува и дека демонстрантите биле насочени кон апартмани на чии балкони имало поставено ЛГБТ-симболи.
Prowokacje chuliganów przeciwko Marszowi Niepodległości
RELACJA: https://t.co/htr1LqI2NG#MarszNiepodległości #wieszwięcej pic.twitter.com/N2tUGe6awM
— portal tvp.info ?? (@tvp_info) November 11, 2020
Поради пандемијата, во Полска во моментов се забранети собири на повеќе од пет лица.
Во Полска 11 ноември се празнува како државен празник. Тоа е денот кога Јозеф Пилсудски ја презел командата со полските трупи во Варшава и прогласил независност во 1918 година, што се совпаѓа со потпишувањето на примирје меѓу Германија и Франција.
Заменик-министерот за здравство минатата недела рече дека недоаѓањето на парадата „ќе биде приказ на патриотизам“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Велики четврток.
Аудио обраќањето на Чарлс беше емитувано на собранието во катедралата Ворчестер во негово отсуство, поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата Ворчестер, ме потсетува на заклетвата што ја дадов на почетокот на моето крунисување, да го следам примерот на Христос „да не ми служат, туку да служам“, рече кралот.
„Тоа е она што секогаш се трудев да го правам и правам, со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак, поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.
Европа
Кремљ за евентуалното блокирање на „Телеграм“: „Сè повеќе станува алатка во рацете на терористите“
Портпаролот на Кремљ, Дмитриј Песков, денеска изјави дека во моментот не се планира блокирање на социјалната мрежа „Телеграм“ во Русија.
„Не, во моментот нема такви планови“, изјави Песков за каналот „Шот“ на прашањето дали Русија планира да го блокира „Телеграм“.
Тој додаде дека основачот на оваа платформа, Павел Дуров, треба повеќе да внимава како се користи оваа социјална мрежа.
„Секако, би очекувале поголемо внимание од Павел Дуров бидејќи овој уникатен и феноменален ресурс од технолошки аспект, кој порасна, всушност, пред очите на нашата генерација сè повеќе станува алатка во рацете на терористите, се користи за терористички цели“, рече портпаролот на Кремљ, пренесува „РИА новости“.
Како што изјави во средата за „РИА новости“ извор запознаен со ситуацијата, сторителите на терористичкиот напад во предградието на Москва биле регрутирани преку каналот на „Телеграм“, „Глас Хорасан“, сопственост на авганистанското крило на Исламската држава.
Пратеникот на државната Дума од Обединета Русија, Олег Морозов, денеска оцени дека е неопходно да се развие механизам за автоматско блокирање на каналите на „Телеграм“, кои регрутираат терористи користејќи клучни зборови користејќи вештачка интелигенција.