Свет
(Видео) Гранатирана зграда во Одеса – шестмина загинати, меѓу кои и едно бебе
Русија извршила ракетен напад врз јужниот пристанишен град Одеса, изјави шефот на кабинетот на украинскиот претседател Володимир Зеленски.
Меѓу загинатите има и тримесечно бебе, објави на Телеграм, Андриј Јермак. Повредени се 18 лица, додаде тој.
#Ukraine ??: for the first time since the start of the invasion Russian shelling hit a residential area of #Odesa, killing three civilians. pic.twitter.com/BQkmPy17ck
— Thomas van Linge (@ThomasVLinge) April 23, 2022
Украинските власти, исто така, соопштија дека ракетите погодиле воен објект и две станбени згради во градот.
Terrorist #Russia attacked #Odesa?? with cruise missiles today. Struck an apartment building in a densely populated residential area. pic.twitter.com/VLv4rwmH6Q
— ??Paula Chertok??? (@PaulaChertok) April 23, 2022
На фотографиите се гледа дека ракетата паднала среде катна станбена зграда во која останала огромна дупка.
Украинскиот министер за надворешни работи Дмитро Кулеба на Твитер ја осуди Русија за наводниот напад.
„ Единствената цел на руските ракетни напади врз Одеса е теророт. Русија мора да биде прогласена за државен покровител на тероризмот и соодветно да се третира. Без бизнис, без контакт, без културни проекти. Ни треба ѕид меѓу цивилизацијата и варварите кои ракетираат врз мирните градови”.
Москва сè уште не одговорила.
Руските сили веќе ја гранатираа Одеса, но многу помалку од другите градови, како Мариупол, од кои повеќето денеска се во урнатини по силните руски бомбардирања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија ги повлекува војниците од Нагорно Карабах
Руските воени мировни трупи се повлекуваат од Нагорно-Карабах, потврдија официјални лица од двете земји.
Руските мировници се таму од крајот на ерменско-азербејџанската војна во 2020 година.
Портпаролот на Кремљ, Дмитриј Песков, ги потврди извештаите за повлекувањето пред новинарите, но не даде детали.
Веста за повлекувањето ја потврди и азербејџанскиот министер за надворешни работи Хикмет Хаџиев, додавајќи дека двете земји се договориле за тоа.
Хаџиев не објасни зошто војниците се повлекуваат, но се чини дека нивното присуство е излишно откако Азербејџан ја врати целосната контрола врз регионот минатата година.
Во првата половина на 1990-тите, Нагорно-Карабах беше во фокусот на меѓуетничката војна по распадот на Советскиот Сојуз, во која и Ерменија и Азербејџан беа федерални единици.
Тој регион тогаш беше под целосна контрола на бунтовничките Ерменци до војната во 2020 година, кога Азербејџан ја врати контролата врз некои од неговите делови. Таа војна заврши со прекин на огнот и распоредување на 2.000 руски војници во деловите на Нагорно-Карабах кои останаа под ерменска контрола.
Свет
Стопирани сите летови на „Алјаска ерлајнс“ во САД
Американската федерална управа за авијација (ФАА) денеска издаде препорака за стопирање на летовите на „Алјаска ерлајнс“, пишува „Ројтерс“.
Не е наведена причината за приземјувањето.
„Си-ен-би-ес“ објави дека системот на авиокомпанијата што се користи за сметање на тежината и рамнотежата за летови не работи правилно.
Алјаска ерлајнс и ФАА не одговорија веднаш на барањата за коментар.
Како одговор на поплаките од патниците на социјалната мрежа „Икс“, авиокомпанијата соопшти дека работи на тоа што поскоро да ги внесе патниците во авионот.
Свет
Нетанјаху им порача на Велика Британија и на Германија: Израел сам ќе донесе свои одлуки
Израелскиот премиер Бенјамин Нетанјаху изјави дека Израел сам ќе донесе одлуки.
„Сите тие имаат различни предлози и совети. Јас го ценам тоа. Но, сакам да биде јасно – ние самите ќе ги донесеме нашите одлуки, а израелската држава ќе направи се што е потребно за да се одбрани“, рече Нетанјаху по состанокот со британските министри за надворешни работи и Германија, пишува Гардијан.
Претходно денеска британскиот министер за надворешни работи Џејмс Камерон изјави дека дошол на состанокот за да се солидаризира со Израел, но и дека се надева дека неговиот одговор на иранскиот напад ќе биде „паметен и што е можно поограничен“, пренесе Би-Би-Си.