Свет
(Видео) Двајца загинати и двајца повредени во експлозија во металуршка фабрика во Израел
Силна експлозија ја потресе денес металуршката фабрика во израелскиот приморски пристанишен град Ашдод, во која засега има потврдено двајца загинати и двајца повредени како резултат на инцидентот, соопшти израелската полиција, пренесува „Спутник“.
„Добиен е извештај за експлозија во фабрика за метали во индустриската област во Ашдод, повредени се голем број луѓе“, напиша полицијата на Твитер.
Безбедносните сили пристигнаа на местото на настанот и започнаа прелиминарни истражни постапки.
Dans un accident de travail survenu ce matin (mardi) dans une usine métallurgique de la zone industrielle nord d'Ashdod, 2 personnes, d’environ 40 ans ont été tuées et 2 autres ont été blessées.
La Police a ouvert une enquête.
(? pp Ichud Hatzala) pic.twitter.com/uBNxrvScsr— 0404Informations (@0Informations) November 17, 2020
Во меѓувреме, „Тајмс оф Израел“ објави дека двајца работници загинале, а други двајца биле повредени како резултат на експлозијата, наводно предивикана од гас, во фабриката во Ашдод. Едниот загинат бил Палестинец, а другиот бил турски државјанин.
Веб-страницата „Вала“ објави дека првичната истрага на полицијата утврдила оти експлозијата се случила додека работниците заварувале резервоар за гас.
Хези Шварцман, раководител на Директоратот за безбедност при работа при Министерството за труд, изјави дека фабриката работела незаконски три години откако биле откриени безбедносни пропусти.
„Ова е фатален инцидент. Инспекторите се на местото на настанот со полицијата и службите за итни случаи. Причините за експлозијата ќе бидат целосно испитани “, рече Шварцман.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД: Ќе го блокираме полноправното членство на Палестина во ОН, тие треба да преговараат со Израел
САД ќе гласаат против палестинската кандидатура за полноправно членство во Обединетите нации и ќе ја блокираат светската организација да признае палестинска држава.
„САД продолжуваат да тврдат дека најбрзиот пат до државност за палестинскиот народ е преку директни преговори со Израел и палестинската управа со поддршка на САД и други партнери“, рече американскиот претставник.
Планирано е 15-члениот совет да гласа за нацрт-резолуцијата со која се препорачува на Генералното собрание на ОН од 193 држави „Државата Палестина да биде примена во членство во ОН“.
За да усвои резолуцијата, потребни се најмалку девет гласа и никакво вето од САД, Велика Британија, Франција, Русија или Кина. Дипломатите проценуваат дека резолуцијата би можела да собере 13 гласа, што би ги принудило САД да стават вето.
„Одамна јасно ставивме до знаење дека предвремените акции во Њујорк, дури и ако се во најдобар интерес, нема да резултираат со државност за палестинскиот народ“, рече американскиот функционер. Палестинците во моментов имаат статус на набљудувач не-членка, што е де факто признавање на државноста доделена од Генералното собрание на ОН во 2012 година.
Меѓутоа, барањето за полноправно членство мора да биде одобрено од Советот за безбедност, а потоа од најмалку две третини од членовите на Генералното собрание. Засилените напори на Палестина за полноправно членство дојдоа шест месеци по масакрот на Хамас во јужен Израел и војната во Појасот Газа по започнувањето на израелската офанзива и проширувањето на еврејските населби на Западниот Брег.
Генералниот секретар на ОН, Антонио Гутереш, смета дека „повеќе од кога било, неопходно е да се поддржат напорите со добра волја за воспоставување траен мир меѓу Израел и независна, одржлива и суверена палестинска држава“.
Регион
Земјотрес во Србија
Земјотрес со јачина од 2,7 степени според Рихтеровата скала го погоди Чачак.
Според ЕМСЦ, епицентарот бил два километри северно од Чачак и 47 километри западно-северозападно од Крагуевац.
Земјотресот се случил на длабочина од осум километри.
Европа
Уапсен Полјак: „Планирал убиство на Зеленски“
Маж од Полска е уапсен под обвинение дека бил подготвен да шпионира за руското воено разузнавање и да и помогне да го испланира убиството на украинскиот претседател Володимир Зеленски, соопштија полските обвинители, а пренесе Асошиетед прес.
Полското национално обвинителство соопшти дека мажот, идентификуван само како Павел К., бил обвинет дека сакал да ги пренесе безбедносните информации на аеродромот на руски агенти и бил уапсен вчера во Полска.
Човекот побарал контакт со Руси директно вклучени во војната во Украина и се очекувало да пренесе детални информации за аеродромот Жешов-Јасионка во југоисточна Полска, во близина на границата со Украина, кој е портата за меѓународни воени и хуманитарни снабдувања за Украина. Аеродромот е под контрола на американски војници.
Доколку биде прогласен за виновен, тој може да добие и до осум години затвор, се вели во соопштението за печатот.
Обвинителите рекоа дека апсењето е резултат на блиска соработка со обвинителите и безбедносните служби на Украина, кои обезбедија клучни докази. Членката на ЕУ, Полска е цврст поддржувач на соседна Украина и Зеленски во одбрана од руската агресија повеќе од две години.