Свет
(Видео) Два силни земјотресa од над шест степени ја погодија Индонезија
Индонезискиот остров Ломбок денеска го погодија два силни земјотресa, со јачина од 6,3 и 6,9 степени според Рихтеровата скала, а засега нема информации за нови жртви, освен за едно лице кое утрово загинало по првиот удар, пишува Би-би-си.
Околу 100 домови се сериозно оштетени, а луѓето врескајќи истрчале на улиците.
Првото поместување на земјиштето беше забележано околу 11.30 часот по локално време, а американскиот геолошки институт соопшти дека епицентарот бил на длабочина од седум километри.
Вториот, посилен земјотрес се случи нешто по 22 часот по локално време, на длабочина од 20 километри.
„Возев да испорачам помош за евакуираните, кога одеднаш видов како се ниша елетричниот столб. Луѓето започнаа да врескаат и да плачат. Истрчаа на улиците“, раскажува сведок за новинската агенција „АФП’.
Во Матарам, главниот град на островот, се изгаснале светлата на трговските центри и луѓето истрчале кон отворениот простор, велат очевиците.
„Населението е во паника од претходните земјотреси, а автершоковите никако да сопрат“, вели Ендри Сусанто пред репортерот на „АФП“.
Индонезија во изминатите два месеци ја погодија серија силни земјотреси. На 5 август, во земјотрес од 6,9 степени животот го загубија 460 лица. Претходно, земјотрес со јачина од 6,4 степени на 29 јули, усмрти 16 лица.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.