Свет
(Видео) Десетици лица со огномет и проектили нападнаа полициска станица во Париз
Десетици лица нападнаа полициска станица во предградиe на Париз со огномет и други проектили и оштетија неколку полициски возила, соопштија официјалните лица. Во инцидентот нема повредени.
„Голема група луѓе ја нападнаа полициската станица во париското предградие Шампињи-сур-Марн со огномет и други проектили. Напаѓачите искршиле пет полициски возила со метални шипки“, пренесе „Ле Паризиен“.
Според полициските службеници имало 40 напаѓачи.
Скршени се три прозорци на полициската станица.
At least 40 people armed with metal bars and fireworks have attacked a police station to the south of Paris, police sayhttps://t.co/0mW89MmcrC pic.twitter.com/5wAruhycbZ
— BBC News (World) (@BBCWorld) October 11, 2020
Нападнати биле и пожарникарите кои излегле на местото.
Во Франција, неодамна имаше бројни напади врз полицајци, а понекогаш и пожарникари, кои министерот за внатрешни работи Жералд Дарманен ги гледа како знак дека земјата станува сè подива.
Минатата недела тројца мажи извлекоа двајца полицајци во цивилна облека од нивното возило во предградие на Париз, ги разоружаа и ги ранија со повеќе истрели од нивните пиштоли. Еден од полицајците сè уште е во критична состојба. Полицијата сè уште трага по тројцата напаѓачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.