Свет
(Видео) Дел од кинеска ракета падна на Земјата
Дел од кинеска ракета падна на Земјата над Индискиот и Тихиот океан, соопштија американски и кинески официјални лица.
Кинеската Национална вселенска агенција (CNSA) соопшти дека поголемиот дел од остатоците од погонот Long March 5 изгореле во атмосферата. Се додава дека местото на влегување во атмосферата е над Сулското море во Тихиот Океан.
НАСА наведе дека Пекинг не ги споделил „конкретните информации за траекторијата“ потребни за да се утврди каде може да паднат остатоците.
Кинеската амбасада во Вашингтон веднаш не го коментираше случајот. Кина претходно оваа недела рече дека внимателно ќе ги следи остатоците, но рече дека тие претставуваат мал ризик за било кого на Земјата.
Американската вселенска команда соопшти дека ракетата Long March 5B влегла во атмосферата на Земјата над Индискиот Океан околу 12:45 часот по локално време, но ги доведе во прашање „техничките аспекти на повторното влегување, како што е потенцијалната локација на дисперзија на отпадот“.
„Сите вселенски нации треба да ги следат утврдените најдобри практики и да го дадат својот дел за да го споделат овој тип на информации однапред за да овозможат веродостојни предвидувања за потенцијалниот ризик од удар на отпадот“, рече администраторот на НАСА, Бил Нелсон.
„Тоа е од суштинско значење за одговорно користење на вселената и осигурување на безбедноста на луѓето овде на Земјата“, додаде тој.
Корисниците на социјалните мрежи во Малезија објавија видео од објект кој личи на ракетни остатоци.
Location: Kuching, Sarawak Malaysia @ 12:50 AM. #CZ5B #LongMarch5B #LongMarch5BRocketBooster
????: Credit to respective owners, DM for credit. pic.twitter.com/u3uLRvqrcC
— ????????♀️ (@DayangLeen) July 30, 2022
Aerospace Corp, непрофитен истражувачки центар финансиран од владата во близина на Лос Анџелес, рече дека е несовесно да се дозволи делот од 22,5 тони од ракетата да се врати на Земјата неконтролирано.
Експертите пред неколку дена проценија дека овој викенд на Земјата ќе падне огромен ракетен погон и дека постои голема веројатност да не изгорат сите негови делови при влегувањето во атмосферата, но дека некои ќе паднат и на земјата.
Постоеше можност остатоците од ракетата да паднат над населено место, како што се случи во мај 2020 година, предизвикувајќи штета на селата во Брегот на Слоновата Коска, пишува Би-Би-Си.
Предметниот погон (ракетен засилувач) е долг 53,6 метри и тежи 22,5 тони и е дел од кинеската ракета Long March 5B која беше лансирана на 24 јули 2022 година. Ракетата носеше нов модул во орбитата, идниот дел од вселенската станица Тиангонг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Разузнавачки извор за Си-ен-ен: Директните напади меѓу Израел и Иран завршија
Регионален разузнавачки извор рече дека директните напади меѓу Израел и Иран се завршени.
Изворот разговарал за Си-ен-ен под услов да остане анонимен околу два и пол часа по објавувањето на нападите. Изворот вели дека, според неговите сознанија, не се очекува Иран да одговори на нападот, но не наведе причина.
Претходно и висок ирански функционер изјави за „Ројтерс“ дека „Иран нема план за итна одмазда против Израел“.
Израел сѐ уште не потврдил дека го извршил нападот врз Иран, а тврдењата за нападот дојдоа од Вашингтон.
Од друга страна, од Иран доаѓаат контрадикторни информации, но нема официјален извештај.
Пред само еден час ирански аналитичар изјави за иранската државна телевизија дека „мини дроновите соборени од противвоздушната одбрана во Исфахан биле управувани од инфилтратори од Иран“.
Претходно, пак, ирански функционер изјави за „Ројтерс“ дека немало ракетен напад и дека експлозиите биле резултат на активирање на иранските системи за противвоздушна одбрана.
Свет
Украина тврди дека соборила руски бомбардер
Украинските воздухопловни сили денеска соопштија дека собориле руски стратешки бомбардер првпат од почетокот на руската инвазија, а Москва објави дека авионот се урнал поради технички дефект и дека еден член на екипажот загинал.
„Првпат противвоздушните ракетни единици на Военото воздухопловство во соработка со одбранбеното разузнавање на Украина го уништија стратешкиот бомбардер со долг дострел ‘ту-22М3’, кој носи крстосувачки ракети ‘Х-22’“, изјави командантот на украинските воздухопловни сили на „Телеграм“.
Украинската воена разузнавачка служба (ГУР) соопшти дека рускиот авион „бил соборен благодарение на специјалната операција спроведена од украинското одбранбено разузнавање во соработка со воздухопловните сили“.
Руското Министерство за одбрана не потврди дека украинската страна нападнала еден нејзин авион, но воен извор изјавил за новинската агенција ТАСС дека бомбардерот „туполев-22М3“ се урнал во регионот Ставропол по борбена мисија додека се враќал во базата. Според овој извор, авионот не носел оружје.
Свет
САД ставија вето на приемот на Палестина во ОН
Соединетите Американски Држави ставија вето на нацрт-резолуцијата на Советот за безбедност на Обединетите нации „Државата Палестина да биде прифатена како членка на ОН“.
Воздржани беа Велика Британија и Швајцарија, а „за“ гласаа Словенија, Сиера Леоне, Русија, Јужна Кореја, Мозамбик, Малта, Јапонија, Франција, Гвајана, Еквадор, Кина и Алжир.
Претходно вчера, заменик-портпаролот на американскиот Стејт департмент, Ведант Пател, потврди дека Вашингтон ќе стави вето на гласањето во Советот за безбедност на ОН наведувајќи дека нема едногласно мислење меѓу членовите на комитетот за тоа дали Палестинците ги исполнуваат критериумите неопходни за да бидат дефинирани како држава.
Палестинската управа (ПА) го осуди потегот нарекувајќи го „нефер, неетички и неоправдан“.
Кабинетот на претседателот на палестинската управа, Махмуд Абас, го нарече американското вето „еклатантна агресија …туркање на регионот преку работ“.
Израелскиот министер за надворешни работи, Израел Кац, го пофали американското вето додавајќи: „Срамниот предлог беше отфрлен. Тероризмот нема да биде награден“.