Свет
(Видео) Демонстрантите од Портланд ја соборија статуата на Томас Џеферсон, авторот на Декларацијата за независност
Група демонстранти во Портланд ја срушија статуата на Томас Џеферсон пред училиште што го носи неговото име, разгорувајќи го огнот на растечката културна поделеност во САД, додека активистите таргетираат обележја кои се сметаат за расистички, пренесува РТ.
Околу 1.000 луѓе се собраа во средното училиште „Џеферсон“ во Портланд, Орегон, во неделата за да слушаат говори пред да заминат на маршот на „Блек лајвс медр“ низ градот. Подоцна во вечерните часови, толпата се врати во училиштето и се фокусираше на статуата на третиот американски претседател и главен автор на Декларацијата за независност.
Tough time for slave owners ?♂️ pic.twitter.com/m0lUWuYqVc
— PDX Resistance ✊ (@Pdx_resistance) June 15, 2020
Две јажиња беа врзани околу вратот на статуата, додека групата се обидуваше да го повлече Џеферсон од пиедесталот што веќе беше испишан со графити „сопственик на робови“.
„Си го враќаме овој град. Едно по едно училиште. Една расистичка статуа по една“, рече еден од говорниците.
Видеата покажуваат дека групата ги влечела јажињата, на крајот туркајќи ја статуата на бетонските скалила пред училиштето. Толпата навивала, додека еден човек вооружен со секира неколкупати ја удрил бронзената статуа. Слични прослави имаше и на Твитер.
Viewer video shows the moment the Thomas Jefferson statue was toppled over in Portland. #Portland #pdx #breakingnews @fox12oregon pic.twitter.com/Upnt7i1AQx
— Bonnie Silkman KPTV (@BonnieSilkman) June 15, 2020
Иако Џеферсон беше сопственик на робови, тој е почитуван заради застапувањето за верска толеранција и индивидуална слобода – вредности кои станаа основни принципи на САД. За многумина, чинот на вандализам е незамислив.
Еден згрозен набљудувач ги обвини демонстрантите дека извршиле варварски чин против историјата и побара акција од гувернерот на Орегон, Кејт Браун. Други тврдат дека вандалите и демонстрантите им прават лоша услуга на „легитимните“ протести против расизмот.
A group removed the Thomas Jefferson statue at Jefferson High School earlier tonight.
Protesters marched back to Jefferson High School later in the night and a speaker addressed the crowd: “We’re taking this city back. One school at a time. One racist statue at a time.” pic.twitter.com/iOBUgUyW4S
— Jamie Goldberg (@Jamiebgoldberg) June 15, 2020
Во саботата демонстрантите во Портланд урнаа две статуи на пионерите кои се доселиле во Орегон. Не е јасно кој бил нивниот мотив, но локалните медиуми соопштија дека обележјата биле таргетирани во минатото заради наводното славење на „освојувањето на белците“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.
Свет
Принцот Вилијам проговори за Кејт Мидлтон: „Жал ми е што не е тука со нас“
При посетата на едно училиште во Велика Британија, принцот Вилијам се извини што неговата сопруга Кејт Мидлтон не била со него.
Конечно се врати на обврските откако извесно време беше на пауза поради приватни причини.
Во разговор со член на персоналот, Вилијам накратко ја спомна сопругата Кејт.
„Жал ми е што Кејт не може да биде тука со нас. Таа сакала”, рекол Вилијам.
Медиумите потсетуваат дека минатиот месец принцезата Кејт Мидлтон објави дека се бори со рак, но во видеото кое го објави не прецизираше за каков вид на рак се работи.
По Божиќ се повлече од јавноста, а во јануари имаше операција на абдоменот.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.