Свет
(Видео) Демонстранти се обидоа да урнат споменик на американски претседател во близина на Белата куќа
Демонстранти се обидоа да го урнат споменикот на Ендрју Џексон, седмиот американски претседател, во парк во близина на Белата куќа, но полицијата ги растера пред да успеат да ја срушат статуата со јажиња.
Толпата се обиде да ја урне статуата на Џексон што се наоѓа на плоштадот Лафајет, едно од главните жаришта на судири меѓу демонстрантите и полицијата.
Познатата бронзена статуа е последна во низата споменици кои демонстрантите низ САД се обидоа да ги уништат откако невооружениот Афроамериканец Џорџ Флојд почина при полициско апсење кон крајот на мај. Станува збор за споменици на историски личности кои демонстрантите ги сметаат за расистички или, пак, ги поврзуваат со ропството во САД.
Трамп на „Твитер“ напиша дека многу луѓе биле уапсени за, како што оцени, срамниот вандализам во паркот Лафајет и за оштетување на надворешноста на црквата во близина на плоштадот.
„Десет години затвор според законот за зачувување на спомениците. Бидете внимателни“, предупреди Трамп.
Инцидентот се случил кога демонстрантите, кои главно носеле маски поради пандемијата, ја пробиле речиси двометарската ограда подигната изминатите денови за да се заштити споменикот во центарот на паркот.
Толпата потоа со жолта боја го исшарала постаментот на споменикот и врзала јажиња околу Џексон и неговиот коњ, по што се обидела да го откорне споменикот.
Десетици припадници на безбедносните сили интервенирале и ги растерале демонстрантите со палки и солзавец.
Џексон бил претседател во два мандата, од 1829 до 1837 година, со популистички карактеристики, поради што понекогаш се споредува со Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“ повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува „Танјуг“.
Полицијата во моментот спроведува истрага со проверка на стоката во продавниците поради што сѐ уште не се знае конечната количина дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.