Свет
(Видео) Еврејско училиште хакирано со вознемирувачки нацистички слики и антисемитски навреди
Веб-страницата на едно ортодоксно еврејско средно училиште во Лонг Ајленд, Њујорк, била хакирана и исполнета со антисемитски фотографии, вклучително и свастики и фотографии од нацистички војници што маршираат и расни навреди, пренесува РТ.
За време на ужасниот кибернапад, кој траел неколку часа во понеделникот, средното училиште „Норт шор хебрејска академија“ било преименувано во „Норт шор хебрејски логор на смртта“.
More pictures from the hack. pic.twitter.com/4hLnf91JUE
— StopAntisemitism.org (@StopAntisemites) December 14, 2020
Непрофитната фондација StopAntisemitism.org сподели неколку вознемирувачки фотографии објавени на веб-страницата, вклучително и војници на СС што маршираат, погрдни имиња за Евреитеи детска песна што била изменета за да вклучува потсетување на озглогласениот концентрационен логор „Аушвиц“ во кој беа убиени повеќе од 1,1 милиони луѓе.
„Згрозени сме што хакерите нападнаа еврејско училиште и ги изложија децата на ужасни нацистички фотографии и пораки. Многу од овие тинејџери се потомци на преживеани од холокаустот и генерациската траума често се активира кога ќе се случат вакви настани“, вели Лиора Рез, директор на StopAntisemitism.org.
HAPPENING NOW – a Hebrew Academy in Great Neck (Long Island), NY is being hacked!
Nazi songs, imagery, messages continue to be posted. They have also leaked students' and teachers' addresses and credit card information.@NassauCountyPD @GNVFDChief@GreatNeckPatch pic.twitter.com/8XkaWRjHGI
— StopAntisemitism.org (@StopAntisemites) December 14, 2020
Да бидат работите уште полоши, личните информации на студентите и наставниците на академијата, вклучувајќи имиња, адреси и податоци за кредитни картички, исто така беа објавени на интернет од страна на хакерите.
До понеделникот попладне веб-страницата на училиштето беше падната, а единствената преостаната видлива содржина беше пораката: „Во тек се промени. Ве молиме проверете наскоро“. Хакирањето се случило среде прославата на еврејскиот празник Ханука, што почна во четвртокот на 10 декември и ќе трае до петок на 18 декември.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.