Свет
(Видео) Еден загинат и 10 повредени во експлозија на пазар во градот Газа
Експлозија на пазарот „Ал-Завија“ во градот Газа утрово уби едно лице и рани десет други, јавуваат палестинските медиуми, без да го посочат причинителот на експлозијата. Неколку згради биле оштетени во експлозијата.
Министерството за внатрешни работи во Појасот Газа соопшти дека Палестинецот убиен во експлозијата бил жител на Ата Сакала посочувајќи дека повредените биле пренесени во болницата „Шифа“ од страна на екипите за цивилна одбрана и брзата помош.
An explosion has occurred in #Gaza. Unclear what caused it. pic.twitter.com/0MSF7zBy1k
— Joe Truzman (@JoeTruzman) July 22, 2021
Видеа од местото на настанот објавени на социјалните мрежи покажуваат облаци црн чад и значителна штета на околните структури.
Another Sad morning. An unknown explosion rocks the oldest market in Gaza. pic.twitter.com/wBwxPgBZEd
— Ramy Abdu| رامي عبده (@RamAbdu) July 22, 2021
Првичните извештаи покажуваат дека се запалиле цевки за гас во близина на станбени згради пред да експлодира канистерот за гас. Полициските експерти за експлозиви ја испитуваат точната причина за експлозијата.
BREAKING: Explosion in Gaza — smoke seen rising from the area where it occurred. pic.twitter.com/Ukf5wBiv9K
— Insider Paper (@TheInsiderPaper) July 22, 2021
Експлозијата се случи само два месеца по 11-дневното израелско бомбардирање на крајбрежната енклава, што предизвика масовно уништување на голем дел од инфраструктурата во Газа предизвикувајќи штета во вредност од 479 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.