Свет
(Видео) Застој на евакуацијата од Кабул, луѓе во очај ја блокираат пистата
Евакуацијата од аеродромот во Кабул е во застој, бидејќи луѓето кои се обидуваат да го напуштат Авганистан се во очај и ја блокираат пистата на аеродромот, објави денеска претставник на германското Министерство за надворешни работи.
„Во моментов нема воздушен сообраќај, бидејќи голем број очајни луѓе се на пистата“, изјави германскиот претставник на прес-конференција во Берлин, а пренесува „Ројтерс“.
Четириесет вработени во германската амбасада во Кабул беа евакуирани синоќа во Доха, соопшти тој, додавајќи дека десетина германски претставници ќе останат на аеродромот во Кабул за да ја координираат евакуацијата.
На аеродромот во Кабул многу Авганистанци се обиделе да се качат во американските авиони.
US troops ?? at Kabul Airport.
— FJ (@Natsecjeff) August 16, 2021
Бројни снимки покажуваат и луѓе кои се обидуваат да избегаат со тоа што се качуваат на надворешната страна од авионот. Се верува дека некои од нив паднале и загинале.
AH64s combat helicopters opening the way to allow USAF C-17’s take off in the middle of over crowded runway ??
Kabul Airport Chaos pic.twitter.com/6Jlm8Z5IQT— Harry Boone (@towersight) August 16, 2021
Според претходините извештаи, на аеродромот настанал општ хаос, американските војници биле принудени да пукаат со предупредувачки истрели, а имало и стампедо.
Медиумите објавија дека има и мртви, но не е јасно како загинале.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повеќе од сто килограми кокаин пронајдени меѓу банани во супермаркети во Германија
Вработени во неколку германски супермаркети во Берлин и Бранденбург откриле повеќе од 100 килограми кокаин во пакувања со банани, пренесува „Билд“, повикувајќи се на полициски извори.
Во Бранденбург, како што се наведува, во најмалку четири продавници биле пронајдени меѓу 20 и 100 килограми кокаин, пренесува Танјуг.
Полицијата во моментов спроведува истрага со проверка на робата во продавниците, поради што се уште не се знае конечната количина на дрога во нив, но не и информацијата во колку продавници има.
Регион
Двајцата осомничени за убиството на малата Данка испратени во Специјалната затворска болница
Двајцата осомничени Срѓан Јанковиќ и Дејан Драгијевиќ денеска се испратени во Специјалната затворска болница во Белград на психијатриско вештачење, пишува „Телеграф“.
Во написот медиумот пишува дека осомничениот Дејан Драгијевиќ (50) деталите за убиството на детето ги изнесе во Вишото јавно обвинителство во Заечар. Сепак, тој не сакаше да открие каде го оставил телото на Данка.
Срѓан Јанковиќ (50) не зборувал за делото.
Во Вишото јавно обвинителство во Заечар биле сослушани и родителите на Данка, Ивана и Милош, кои, како што се наведува, опишале како течел денот кога исчезнала ќерка им.
Додека давале исказ, во иста просторија седеле и осомничените за убиството на детето.
Пред рочиштето исказ за „Телеграф“ дал таткото на убиената Данка.
„Смртната казна не им е доволна, треба да бидат во затвор до крајот на животот. Тоа се чудовишта, она што постојано го доживуваме не се опишува. Тоа може да го разбере само родител. Неколкупати ни дојде полиција, ѝ зедоа разни работи на Данка, ништо не знаеме, ниту за крвта на патот ниту во автомоблилот, ништо. Не ни е јасно зошто не се јавиле во итната помош, зошто не помогнале, но го направиле ова што го направиле. Тоа што јас и Ивана постојано страдаме е страшно, разни луѓе ни се јавуваат, нѐ навредуваат, ни ја префрлаат вината. Морав да побарам да го сменам бројот, не можеме повеќе. Кога сѐ ќе заврши, ќе кажеме сѐ“, рече тој.
Свет
Израел ја бобмардира Рафа, најмалку пет лица загинаа, меѓу кои и две деца
Здравствените власти соопштија дека најмалку пет лица загинале во израелските воздушни напади врз јужниот град Рафа во Појасот Газа.
Две деца, идентификувани во болничката евиденција како Шам Наџар (6) и Џамал Набахан (8), се меѓу убиените во нападите извршени во текот на ноќта и денеска, објави АП.
Членовите на семејството за американската агенција изјавиле дека биле убиени додека се обидувале да се преселат во северниот дел на Газа и дека израелската армија ги спречува луѓето да се вратат во своите домови.