Свет
(Видео) Извештај од Казахстан: „Тука е како сцена од филм за апокалипса“
Репортер на „Би-Би-Си“ од Казахстан известуваше за моменталната состојба во градот Алмати, центарот на насилните антивладини протести.
Тој во извештајот наведе дека најголемиот град во Казахстан изгледа како сцена од апокалиптичен филм. Додека се возел низ градот во петокот рано наутро, тој сè уште го чувствувал мирисот на запалените возила во воздухот. Раскажува дека околу него имало малку минувачи бидејќи луѓето се плашат да излезат на улица.
Армијата и полицијата ги блокираа клучните локации во градот. Кога им се приближил на војниците на главниот плоштад, тие викале кон него и неговите колеги и испукале предупредувачки истрели во воздух.
Абдуџалил Абдурасулов вели дека со години доаѓа во Алмати и дека улиците на овој град се преполни со зафатени граѓани, зеленило и места кои нудат храна и пијалок. Сега продавниците и банките се ограбени или уништени.
Огромен дел од штетите има во реонот на главниот плоштад, каде започнаа масовните протести. Нападнати се околните згради во кои се наоѓаат медиумите, а опожарена е и канцеларијата на градоначалникот. Новинарот пишува дека на плоштадот било темно темно бидејќи го проголтал црн чад.
Абдурасулов рече дека не видел знаци на протести во петокот, но сепак можел да слуша пукотници и експлозии. Кога првпат пристигнал во градот, мислел дека е обвиен со магла, но подоцна сфатил дека најверојатно станува збор за чад од гранати.
Неколку жители со кои разговараше рекоа дека се шокирани и револтирани. На некои им било мило што во градот пристигнаа воени сили од Русија и другите соседни земји; се надеваат дека сега ситуацијата конечно ќе се смири. Една жена му рекла дека властите требало да бидат построги од самиот почеток.
„Да употребеа сила на почетокот, овие немири немаше да се случат. Можеби се загрижени дека ќе бидат критикувани за употреба на оружје, но сега гледате до што доведе таквиот став“, рече таа.
Но, и некои граѓани имаа симпатии кон демонстрантите. Многу демонстранти доаѓаат од руралните области, каде платите се ниски, а животот е тежок.
„Ги разбирам барањата на демонстрантите“, рече 22-годишниот готвач.
„Гледаме дека нашите плати не растат и дека е тешко за повеќето жители. Но, ова сега се претвори во грабеж и хулиганство, обичните луѓе сега страдаат. Тоа мора да престане“, додаде тој.
Жителите на Алмати сега се соочуваат со недостиг на храна, а големите супермаркети се затворени. Оние продавници што се отворени прифаќаат само готовина, но граѓаните тешко наоѓаат места каде што можат да подигнат пари. Нема интернет, телефоните не работат како што треба, па дури и нарачувањето такси носи одреден ризик.
Во Казахстан досега немало протести од ваков размер.
Засега работите се смируваат и властите како да преземаат контрола над ситуацијата, вели Абдурасулов. Но, тој стравува дека незадоволството на граѓаните ќе продолжи, дури и ако протестите се смират, и дека наскоро може да се појави нова искра што ќе ги запали следните масовни демонстрации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во Индија почнаа изборите, кои ќе траат шест недели, а ќе гласаат речиси 970 милиони
Денеска, почнаа најобемните избори во светот, а речиси 970 милиони регистрирани гласачи во Индија учествуваат во овој огромен процес, кој ќе се одвива во седум фази и ќе трае дури шест недели.
Премиерот Нарендра Моди се надева дека ќе освои трет последователен мандат во земјата со 1,4 милијарда жители. Гласачите, всушност, не го избираат директно премиерот, туку 543-те пратеници на Лок Сабха, долниот дом на парламентот на најнаселената земја во светот, објави „Дојче веле“.
На натпреварот учествуваат шест национални партии, 57 партии од индиските сојузни држави и 2.597 помали партии. Сепак, главната трка ќе биде меѓу двете најголеми политички партии во Индија: владејачката Индиска народна партија (БЈП) и опозицискиот Индиски национален конгрес (ИНЦ) или скратено Конгресната партија.
За да се спротивстави на владејачката БЈП и премиерот Моди, Конгресната партија формира сојуз од 28 партии, наречен Индиски национален развој – инклузивен сојуз.
Според анкетите, премиерот Моди и неговата хинду-националистичка БЈП се очекува да победат на изборите оваа година.
Моди е популарен лидер, делумно благодарение на агендата насочена кон хинду-мнозинството во Индија, кое сочинува 80 отсто од населението.
Свет
Русија повика на воздржаност помеѓу Израел и Иран
Русија повика на воздржаност по информациите за напад на Израел врз Иран.
Портпаролот на Кремљ, Дмитриј Песков, изјави денеска за новинарите дека Русија ги проучува деталите за нападот и дека ќе го коментира кога ќе се разјасни неговата природа.
„Во секој случај, без разлика на сѐ, продолжуваме да се залагаме за воздржаност од двете страни за да нема дејства што би предизвикале натамошна ескалација на тензиите во регионот“, рече Песков.
Русија и Иран имаат блиско партнерство. За време на инвазијата на Украина, Москва користи беспилотни летала „Шахед“ од иранско производство.
Свет
(Видео) Туристи малтретирале мечиња за селфи, па ги фатила полиција во Северна Каролина
Во станбен комплекс во округот Бункомб, Северна Каролина, шест лица се снимени како влечат мали мечиња од гранките на дрвото за кои се држеле, а сè со цел да позираат за фотографија. Шестемина ги тегнеле двете мечиња, а едното дури им испаднало од рацете во текот на снимањето.
Кога снимките од инцидентот стигнале до експертите што се занимаваат со заштита на дивите животни, тие веднаш излегле на терен и повикале полиција. Меѓу нив бил и биологот Ешли Хобс, која за „Еј-би-си 13 њуз“ рекла дека кога пристигнала до дрвото каде што луѓето се фотографирале, пронашла само едно мече. Целото било влажно и смрзнато, па било дадено на човечка грижа и нега за да закрепне. Поради тоа, сосема е можно никогаш да не може да се вратат во дивината бидејќи мечките што растат со луѓе потоа не сакаат да ги напуштат. Неверојатно, но можно е некој да ѝ го уништил животот на мечката само за да добие убава фотографија за социјалните мрежи.
„Мечето преживеа големо трауматско искуство. На луѓето што го направија тоа им објаснивме колку е неодговорно и потенцијално смртоносно за мечето да се одвои од мајка си, а особено на овој начин да го влечат од дрвото“, рекла Хобс, пренесува „Унилад“.
По објавувањето на видеото, многумина се згрозиле од она што го направиле овие луѓе. За сето тоа морало да разговараат и со полицијата.