Свет
(Видео) Израелската полиција се судри со ултраортодоксните Евреи кои им пркосат на мерките поради Ковид-19
Насилни судири избувнаа во израелскиот град Бнеи Брак и во некои области на Ерусалим додека властите се обидуваа да ги спроведат правилата за контролирано движење поради пандемијата со Ковид-19 во ултраортодоксните еврејски заедници и да ги растурат незаконските собири и молитви, пренесува РТ.
Стотици луѓе во ултраортодоксниот град Бнеи Брак во неделата ѝ пркосеа на најновата забрана за собирање во затворени простории и ограничување на молитвите на отворено за групи од по 20 лица.
Кога полицајците пристигнаа и почнаа да им издаваат на прекршителите парични казни за неносење маски и за непочитување на физичкото растојание, некои од нив почнале да пружаат отпор и да го нарушуваат јавниот ред и мир, што резултираше со хаотични расправии, според повеќе видеа споделени на интернет.
И покрај полициските напори да се разбие собирот и најмалку 13 апсења, верниците продолжиле да се собираат во синагогата. Властите се соочија со обвинувања за примена на прекумерна сила бидејќи полицајците беа снимени како ги туркаат луѓето на земја.
האלימות המשטרתית שוברת שיאים! את הרוע הזה צילמתי עכשיו בבני ברק. אדם בשנות ה-50 לחייו שהלך לתומו וניסה לעקוף את ההתקהלות חוטף מכות רצח. שום תגובה של במשטרה לא תסביר את המראות האלו. pic.twitter.com/RMJVrQjMiT
— אבי גדלוביץ' (@avigad27) October 4, 2020
Судири избија и во ултраортодоксниот кварт Меа Шеарим во Ерусалим, каде што полицијата уапсила најмалку четири лица за блокирање на сообраќајот и палење отпад.
Вториот режим на контролирано движење во Израел поради коронавирусот стапи во сила на 18 септември откако земјата забележа пораст на бројот на новозаразени. Од неделата, црниот биланс од Ковид-19 во Израел изнесува 1.719 од околу 267.000 регистрирани случаи.
עובר כל גבול ::שוטר יס״מ תועד שדוחף בחוזקה ילד שנסע על קורקינט, pic.twitter.com/lsfpANJ0D2
— ישי ירושלמי (@ishayyurslaem) October 4, 2020
Се проценува дека стапката на зараза во ултраортодоксната заедница е повеќе од двапати поголема од просекот во земјата.
אנדרלנמוסיה ברחוב שבטי ישראל. המשטרה לא יודע מי קשור למה ופשוט עוצרת בכוח רב אנשים שסתם עומדים ברחוב pic.twitter.com/4eBfScvbgq
— Haim Goldich חיים גולדיטש (@HGoldich) October 4, 2020
Покрај казните за кршење на строгите мерки за јавни собири и средби со членови на поширокото семејство, на Израелците им беше забрането да одржуваат протести на повеќе од еден километар од нивните домови. Мерката, сепак, не успеа да ги запре масовните неделни антивладини протести кои се претворија во низа помали митинзи викендов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сообраќајка на бугарски автобус во Турција, повредени 11 лица
Единаесет лица се повредени кога автобус со бугарски регистарски таблици што сообраќал од Истанбул за Бугарија се превртел во областа Киркларели во Турција, јави агенција та Анадолија.
Сообраќајната несреќа се случила на 50 километри од бугарската граница. Автобусот е на компанијата „Метро туризам“.
На местото на несреќата се упатени екипи на полиција и медицински лица.
Повредените, вклучувајќи го и возачот на автобусот, се хоспитализирани во околните болници.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.