Свет
(Видео) Илјадници луѓе во Иран излегоа на улиците поради недостиг на вода, едно момче загина
Едно момче е убено за време на втората ноќ од протестите поради недостиг на вода во југозападен Иран, изјави локален претставник утрово и за пукањето ги обвини вооружените демонстранти, јави државната новинска агенција ИРНА.
Иран се соочува со најголемата суша во последните 50 години, а протестите избија поради недостиг на вода во неколку градови и места во провинцијата Кузестан, инаку богата со нафта.
Watch this large crowd of protest in #Iran . People are going out in the streets daily to protest about water shortage, constant black outs and other countless reasons #IranProtests https://t.co/oTFJEdw0Ck
— Amaya Jafari (@JafariAmaya) July 17, 2021
Во извештајот на „Ројтерс“ се наведува дека недостигот на вода не влијаел само на домаќинствата, туку ги уништил земјоделството и сточарството и довел до прекин на електричната енергија.
„За време на собирот, демонстрантите пукаа во воздух за да ги испровоцираат луѓето, но за жал еден заскитан куршум погоди млад човек и го уби“, рече Омид Сабрипур, шеф на провинцијата во градот Шадеган.
На видеа објавени на социјалните мрежи се слушаат истрели од огнено оружје и се гледа како демонстранти палат автомобилски гуми за да ги блокираат патиштата, а безбедносните сили се обидуваат да ги растераат револтираните граѓани.
За време на протестот, луѓето остро го повикаа врховниот ирански верски лидер, ајатолахот Али Хамнеи, и скандираа „Смрт за диктаторот“ и „Смрт за Хамнеи“.
Во последниве недели, илјадници работници во клучниот ирански енергетски сектор, исто така, организираа протести со барање за подобри плати и услови за работа во полињата за гас и некои рафинерии во поголемите градови во јужен Иран.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повеќе од половина Србија обоена во жолто: Итно предупредување поради можно невреме
Жолта метеоролошка тревога е на сила на повеќе од половина од териториите во Србија и тоа во Бачка, Банат, Срем, Белград, Западна Србија, Поморавље и Шумадија, со цел да се предупреди за можна појава на грмежи.
Се очекува слаб до умерен дожд во областа Бачка.
Во Бачка во следните два часа на места ќе има врнежи од дожд со слаб до умерен интензитет.
Инаку, жолтиот метео аларм се „вклучува“ кога времето може да биде потенцијално опасно, поточно кога се предвидуваат опасни временски појави.
„Тие се со таков интензитет што можат да предизвикаат материјална штета и да бидат опасни за луѓето и животните. Треба да бидете многу внимателни, свесни за ризиците и редовно информирани за деталите за очекуваните метеоролошки услови“ велат од надлежните државни служби.
Свет
Американскиот Сенат одобри помош од 95 милијарди долари за Украина, Израел и Тајван
Американскиот Сенат усвои закон со кој се одобрува пакетот безбедносна помош за Израел, Украина и Тајван во вкупна вредност од 95 милијарди долари.
За усвојување на законот кој го изгласа Конгресот по неколкумесечно одложување гласаа 79 сенатори, а против 18, што е многу повеќе од потребното мнозинство во Сенатот од 100 членови за законот да биде усвоен.
За да стапи на сила законот, треба да го потпише американскиот претседател Џозеф Бајден.
Пакетот за помош предвидува 61 милијарда долари за Украина, 26 милијарди за Израел и околу 8,12 милијарди за „контра комунистичка Кина“ во Индо-пацификот, додека четвртиот дел од пакетот е наменет за мерки што ќе доведат до потенцијална забрана на апликацијата TikTok во САД, мерките според кои замрзнатите руски средства ќе бидат префрлени во Украина и ќе бидат воведени нови санкции кон Иран, пренесува Ројтерс.
„Ќе го потпишам овој предлог-закон веднаш штом ќе пристигне на моето биро утре и ќе им помогнам на Американците за да започнеме со испраќање оружје и опрема во Украина оваа недела. Потребата е итна: за Украина, која се соочува со немилосрдно бомбардирање од Русија, за Израел, кој штотуку се соочи со невиден напад од Иран, за бегалците и оние кои се погодени од конфликти и природни катастрофи низ светот, вклучително и во Газа, Судан, Хаити. “, рече Бајден.
Свет
Пентагон испраќа милијарда долари воена помош за Украина
Пентагон е подготвен брзо да испрати пакет воена помош од милијарда долари за Украина, изјавија неколку американски претставници, додека горниот дом на американскиот Конгрес ја започнува расправата за долгоочекуваниот нацрт-закон за финансирање на Украина и другите сојузници на САД, којa веќе го помина долниот дом.
Членовите на Конгресот беа длабоко поделени околу средствата, поради што претседателот на Претставничкиот дом, Мајк Џонсон, формираше сојуз од двете водечки партии за усвојување на законот.
Пакетот за странска помош од 95 милијарди долари беше усвоен од Претставничкиот дом во саботата, а денеска или утре се очекува одобрување од Сенатот.
Од вкупниот пакет помош околу 61 милијарда долари се наменети за Украина.