Свет
(Видео) Иранец истури јогурт врз две жени кои не носеле џихаб, а полицијата ги приведе
Две жени во Иран се уапсени откако маж ги полил со јогурт затоа што не носеле хиџаб во продавница во североисточниот град Шандиз, објави новинската агенција Мизан.
На видеото од инцидентот во четвртокот се гледа како маж ѝ приоѓа на една од жените која не носи хиџаб и прво разговара со неа, а потоа зема јогурт и го истура врз нејзината глава. Веднаш потоа и налева јогурт врз главата на другата жена која била со неа, исто така без хиџаб.
Remarkable video: An Islamist morality police in Mashhad, Iran pours yogurt over the heads of two women for not wearing hejab.
In a previous era the shopkeeper may have been afraid to intervene against government thugs, but times have changed in Iran. pic.twitter.com/4PWu4btPhl
— Karim Sadjadpour (@ksadjadpour) March 31, 2023
Уапсен беше и мажот поради нарушување на мирот, пишува „Си-ен-ен“. Сопственикот на продавницата добил предупредување затоа што не им укажал на жените да носат хиџаб.
Од есента во Иран во тек се протести поттикнати од смртта на младата Курдка Махса Амини во притвор, каде што беше одведена бидејќи, според полицијата, неправилно ја покрила косата.
Во протестите загинаа стотици луѓе, меѓу кои и десетици припадници на безбедносните сили. Властите ги нарекуваат протестите „немири“ оркестрирани од странство, од центри непријателски кон Иран.
Вчера претседателот на Исламската Република Иран, Ебрахим Раиси уште еднаш ги повика Иранките да носат превез бидејќи тоа било „верска обврска“.
Иранското Министерство за внатрешни работи ги повикува граѓаните да се спротивстават на непокриените жени. Ваквите упатства во изминатите децении ги охрабруваа тврдокорните да ги напаѓаат жените и да не одговараат за тоа, што предизвика бројни реакции во развиените демократии во светот.
Прочитајте и: Бакнеж прикажан на телевизија во Иран – изби скандал, телевизијата се извини
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ по победата на изборите во Хрватска: Наскоро ќе дознаете со кого ќе имаме мнозинство
Актуелниот премиер на Хрватска, Андреј Пленковиќ чијашто партија ХДЗ победи на парламентарните избори во Хрватска објави дека наскоро ќе се знае со кого ќе формираат Влада.
„Одлично е чувството, 3-та победа во низа и убедлива, тоа никој не успеа да го направи пред нас. Презадоволни сме, урнат е митот дека високата излезност не и’ одговара на ХДЗ, “, изјави Пленковиќ.
„Многу наскоро ќе дознаете со кого ќе формираме ново мнозинство во Собранието. Разговаравме со некои наши колеги уште синоќа, а денеска ги продолжуваме разговорите. Се оди добро, победниците ќе ја водат владата и во третиот мандат“, порача Пленковиќ.
Неофицијалните резултати по обработката на речиси сите избирачки места, според пресметките, покажуваат дека ХДЗ убедливо победува на парламентарните избори и освојува 61 мандат, додека „Риека Правде“ на СДП добива 42 мандати.
Свет
Шефот на дипломатијата на ЕУ: Треба да испратиме противракетни системи во Украина
Земјите членки на ЕУ треба да ги испратат своите противракетни системи за зајакнување на воздушната одбрана на Украина додека Русија ги напаѓа нејзините градови, изјави денеска шефот на европската дипломатија предупредувајќи дека Европа не може да се потпира само на Вашингтон кога станува збор за помошта на Киев.
Повеќе од две години по почетокот на руската инвазија Украина се соочува со недостиг на муниција, републиканците во американскиот Конгрес ја блокираат клучната воена помош, а ЕУ не успева да достави доволно муниција навреме.
„Имаме патриоти, имаме противракетни системи. Мораме да ги извадиме од нашите касарни, каде што се за секој случај, и да ги испратиме во Украина, каде што беснее војната“, изјави шефот на европската дипломатија, Жозеп Борел, за новинарите на состанокот на министрите за надворешни работи од земјите членки на групата Г7 на островот Капри.
„Во спротивно, електроенергетскиот систем на Украина ќе биде уништен. И ниедна земја не може да се бори без струја во домовите, во фабриките, за интернетот, за сè“, додаде тој.
Украинската воздушна одбрана е клучно прашање за министрите собрани во Италија откако Германија вчера апелира до Европската Унија и НАТО да направат повеќе за да му помогнат на Киев.
„Сигурен сум дека ќе го направиме тоа, но мораме да го направиме тоа бргу“, рече Борел,ж додавајќи дека жали што внатрешната политика во Соединетите Американски Држави го одложува многу потребниот пакет-помош за Украина во вредност од 60,84 милијарди долари.
„Не можеме да зависиме само од САД. Мораме да ја преземеме сопствената одговорност“, изјави тој.
Свет
Бајден за својот вујко: Го изедоа канибали
Американскиот претседател Џо Бајден изјави дека неговиот вујко, кој исчезна на Пацификот за време на Втората светска војна, бил изеден од канибали.
Вториот поручник Амброуз Финеган од воздухопловните сили на американската армија беше прогласен за исчезнат во мај 1944 година кога неговиот лесен бомбардер се урна во морето.
„Тој беше соборен во област во која во тоа време имаше многу канибали“, им рече Бајден на новинарите на кампањата пред Air Force One во Скрентон, Пенсилванија.
„Никогаш не го пронајдоа неговото тело, но владата се врати кога јас заминав и тие проверија и најдоа некои делови од авионот“, ја продолжи својата приказна американскиот претседател.
Неколку часа подоцна, на состанокот со членовите на синдикатот на United Steelworkers во Питсбург, Бајден ја раскажа истата приказна.
„Тој беше убиен во Нова Гвинеја и тие никогаш не го пронајдоа телото – навистина имаше многу канибали во тој дел на Нова Гвинеја“, рече 81-годишниот демократ.
Сепак, според агенцијата на Пентагон за воени зароебници и исчезнати, Финеган никогаш не бил соборен. Ниту бил во извидничка мисија, како што тврдеше Бајден.
Според официјалниот извештај за инцидентот, лесниот бомбардер „А-20 хавок“ бил на „курирско бегство“ од островот Лос Негрос кога му откажале моторите на мала височина. Авионот се урнал во морето кај северниот брег на Нова Гвинеја и двајца од тројцата членови на екипажот никогаш не успеале да излезат од остатоците што тонеле, кои никогаш не биле пронајдени. Еден човек, кој преживеал, бил спасен од брод што поминувал.