Свет
(Видео) Кинески бомбардер слета на меѓународен остров, САД веднаш реагираа со предупредување
Кинески воени авиони слетаа на еден од островите кои се предмет на спор со соседните земји во Јужното Кинеско Море, објави кинеското министерство за одбрана. Потегот на Кина вендаш беше осуден од САД бидејќи, според американските воени претставници, истиот претставува дестабилизација на регионот, објави Би-би-си.
Бомбардерот со голем дострел „H-6K“ бил еден од воените авиони кои учествувале во воената вежба на островот, организирана со цел да се зајакне способноста на Кина за интервенција и во најоддалечените територии.
Chinese bombers including the H-6K conduct takeoff and landing training on an island reef at a southern sea area pic.twitter.com/ASY9tGhfAU
— People's Daily,China (@PDChina) May 18, 2018
Дел од морето во кое се одржуваат воените вежби е трговска рута која исто така е предмет на спор меѓу шест земји. Кина е обвинета дека го милитаризира тој дел од морето, а нејзиниот последен потег може да предизвика нови тензии во регионот. Кинсекото министерство за одбрана не го објави точното време на слетувањето на бомбардерот, но во соопштението се вели дека станува збор за вежба која е симулација на напади врз цели во морето.
Ге Дакинг, пилот во бомбардерот „Н-6К“, изјавил дека станува збор за воена обука што ја изострува храброста на воените пилоти и ги подобрува способностите за реални воени ситуации.
Видеото објавено од страна на „Пипл дејли“, го покажува слетувањето на бомбардерот и полетувањето од базата на островот Вуди, кој е најголем остров на контроверзните Параселски oстрови.
За островот Вуди, кој во Кина е познат како Јонгџинг, претенизии изразуваат и Виетнам и Тајван. Иако кинеските авиони веќе слетувале на тој остров, ова е првпат еден воен бомбардер да слета на него, што може да ги вознемири сите земји од југоисточна Азија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.