Европа
(Видео) Китови убијци нападнаа бродови во Шпанија
Орките, познати и како китови убијци, во последните две недели нападнаа четири едрилици покрај северниот брег на Шпанија предизвикувајќи вознемиреност кај туристите.
Ноќта од понеделникот кон вторникпт, со разлика од само три часа, два едрилици мораа да побараат помош од брегот кога црни животни, долги меѓу 7 и 8 метри и со тежина од пет тони, се залетаа во трупот на бродот. И во двата случаја орките го уништиле кормилото, па едрилиците на отворено море чекале спасувачките бродови да ги извлечат на пристаништето.
Двата напада се случиле покрај брегот на Галиција, провинција во северна Шпанија.
Првиот напад следувал бргу по полноќ кога двајца Французи на рекреативната едрилица „Амадеус“ почувствувале силни удари. Во темница орките нуркале и удриле во едрилицата, осветлена со фенерче од еден од членовите на екипажот.
Едрилицата била на пат од градот Сантандер кон Коруна, но кога кормилото откажало под силата на ударите, патувањето било прекинато и бродот на Црвениот крст ја одвлекол едрилицата до пристаништето на блиското место.
Три часа подоцна, службата за спасување добила нов повик, овој пат двајца Шпанци биле нападнати од јато орки и им било уништено кормилото.
Velero Urki I informó a las 3.07h que estaba siendo atacado por un grupo de orcas; le rompieron el timón y solicitó remolque. Procedía de Finisterre con destino a Gijón con 2 tripulantes españoles. Se movilizó la LS Langosteira de #CruzRoja que lo remolcó hasta Cedeira pic.twitter.com/2lKKQMOQd5
— SALVAMENTO MARÍTIMO (@salvamentogob) September 14, 2020
Os mostramos otro vídeo grabado por el velero Urki I de madrugada. La emergencia sucedió 4 millas al NW de Cedeira #SeguridadNáutica pic.twitter.com/NbzjlZw0s3
— SALVAMENTO MARÍTIMO (@salvamentogob) September 14, 2020
Otro vídeo del ataque de las orcas al Urki I #SeguridadNáutica pic.twitter.com/unWxcr894j
— SALVAMENTO MARÍTIMO (@salvamentogob) September 14, 2020
Минатата недела две други едрилици доживеале слична ситуација во тамошните води, но никој од екипажот не бил повреден.
„Бев исплашен“, рече 65-годишниот Марк Смит, Британец, кој пловел со својата пријателка Каролин кога биле нападнати. На едрилицата долга 13 метри тој првин почувствувал удар, а потоа му откажало кормилото.
„Видовме две орки како пливаат покрај едрилицата. Мислев дека судирот се случил случајно, но тогаш орките удрија во едрилицата со главите“, рече тој и додаде:
„Се плашев дека ќе паднеме во морето и дека орките ќе ја потопат едрилицата.
Многумина се прашуваат дали орките напаѓаат луѓе и дали може да им го одземат животот.
„Нема сознанија за напади врз луѓе“, тврди морскиот биолог Бруно Дијаз, директор на истражувачкиот центар во Понтеведра. Тој додаде дека вообичаено е во овој период од годината да се гледаат орки во водите на Галиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Возачот на „Фликсбас“ осомничен за убиство од небрежност во Германија
Против возачот на автобусот кој вчера се преврте на германскиот автопат при што загинаа четири лица, а многумина беа повредени, се води истрага за убиство и нанесување телесни повреди од небрежност, соопштија од јавното обвинителство.
Портпаролот на канцеларијата не можеше да каже дали мажот (62) веќе бил сослушан.
Двокатниот европски превозник „Фликсбас“ со 54 лица, меѓу кои и двајца возачи, излетал од автопатот А9 во близина на Лајпциг во средата наутро и се превртел. Автобускиот оператор претходно пријавил дека во автобусот имало 55 лица. Полицијата соопшти дека загинале четири лица, а шест лица се тешко повредени, а 29 лица се полесно повредени.
Не се соопштени детали за здравствената состојба на повредените.
Инспекторите во моментов се фокусирани на утврдување на причините за несреќата. Сите повредени кои се наоѓаат во болница ќе бидат испрашани, доколку тоа им го дозволи здравствената состојба, изјави портпаролката на полицискиот штаб во Лајпциг како одговор на истрагата.
Ќе се нареди и извештај за анализа на автобуската несреќа, соопштија од јавното обвинителство. Првите резултати се очекуваат само за неколку недели.
Идентитетот на четворицата загинати се уште не беше утврден до четвртокот напладне.
„Се трудиме и се надеваме дека ќе можеме да дадеме информации за тоа во попладневните часови“, изјави портпаролката на полицијата.
Автобусот патувал од Берлин до Цирих.
Европа
(Аудио) Кралот Чарлс ја испрати првата јавна порака по дијагнозата на здравјето на Кејт
Порака од кралот Чарлс беше емитувана денеска по повод годишната служба на Величетврток.
Аудиообраќањето на Чарлс беше емитувано на собранието во катедралата „Ворчестер“ во негово отсуство поради тековното лекување на ракот на монархот.
Тој им порача на сите „да ја подадат раката на пријателството“.
„Актот на богослужба, овде во катедралата ‘Ворчестер’, ме потсетува на заклетвата што ја дадов на почетокот на моето крунисување да го следам примерот на Христос ‘да не ми служат, туку да служам’“, рече кралот.
„Тоа е она што секогаш се трудев да го правам и правам со целото мое срце“, додаде тој.
Кралот дојде на тронот пред 18 месеци, а на почетокот на годината му беше дијагностициран рак поради што беше подложен на хемотерапија.
Европа
Заменик-началникот на генералштабот: Британија може да се бори со Русија само 2 месеца
Британските вооружени сили мора да управуваат со оперативниот ризик, што произлегува од недостигот на ресурси што би сакале да ги имаат во идните војни, пишува „Телеграф“.
Информациите се појавија откако Грант Шапс, министерот за одбрана, им рече на пратениците дека лобирал кај премиерот, Риши Сунак, и министерот за економија и финансии, Џереми Хант, повеќе пари во буџетот да се потрошат за одбраната, но не успеал да обезбеди зголемување.
За време на сослушувањето пред пратениците во Комитетот за одбрана на долниот дом, висок офицер на кралските маринци рече: „Ние бевме многу јасни дека сумата што моментно ја трошиме за муниција не ги покрива трошоците во сите области и заканите со кои се соочуваме“.
„Бевме јасни дека треба да потрошиме повеќе пари над буџетот, на она што го нарекуваме интегрирани противвоздушни ракети“.
На прашањето на Марк Франсоа, поранешен министер за вооружени сили, дали е вистина оти Обединетото Кралство „не може да се бори со Владимир Путин повеќе од неколку месеци во целосна воена ситуација поради недостиог на резерви муниција и опрема, Шапс додаде дека секој таков конфликт ќе се води заедно со сојузниците од НАТО, кои заедно би можеле да ја совладаат Русија, наместо само Велика Британија.
„За луѓето што гледаат и слушаат дека Велика Британија не е подготвена за војна исклучиво со Русија, важно е да разберат дека сме во НАТО и постои меѓусојузнички одбранбен договор Член 5, така што никогаш не би биле во таква ситуација“.
Во еден извештај пратениците рекоа дека на вооружените сили им требаат повеќе средства за „учество во операции додека развиваат воена готовност“ или ќе мора да го намалат „оперативниот товар“ на војската.
Поранешните воени началници на комитетот му кажаа дека вооружените сили се ослабени од 2010 година и дека „во конфликт со еднаков противник тие ќе бидат исцрпени по првите неколку месеци од распоредувањето“.
Шапс исто така им рече на пратениците дека лекциите научени од војната во Украина ја покажале важноста на војната со беспилотни летала бидејќи е смртоносна и евтина.
„Ова во Украина е веројатно првата вистинска војна со беспилотни летала и мислам дека никогаш повторно нема да видиме војна која не вклучува тешка употреба на беспилотни летала“, рече тој.
Минатиот месец Обединетото Кралство објави дека, заедно со Латвија, ќе ја предводи новата коалиција за испорака на илјадници беспилотни летала „камикаѕе“ во Украина во услови на растечки недостиг на муниција на фронтот.
„Дроновите ги нарушуваат нормалните факти за војната. Обично секоја генерација станува поскапа за да има смртоносен ефект, но всушност беспилотните летала, кои понекогаш чинат неколку илјади фунти, може да бидат крајно смртоносни“, рече Шапс.
Сепак, тој предупреди дека „основното војување и муницијата“ остануваат важни во секој иден конфликт.