Свет
(Видео) Кокаин, хашиш, алкохол и шунка понудени на божиќна лотарија на шпански наркодилери
Двајца шпански дилери се уапсени бидејќи имале намера да организираат божиќна лотарија, нудејќи кошница со кокаин, хашиш, алкохол, но и според традицијата и со дури осум килограми шунка.
?Sorteaban una #narcocesta navideña que contenía #cocaína, #hachís, #alcohol, dinero en efectivo y hasta un jamón
Los clientes se apuntaban y participaban en rifas que consistían en acertar las 2 últimas cifras de los sorteos de #Navidad o de El Niño
Hay 2 detenidos en #Murcia pic.twitter.com/ybQQBrI5s0
— Policía Nacional (@policia) December 21, 2021
При претрес на домови на дилери на дрога на истокот на Шпанија, полицијата пронашла плакат со најава за лотарија со наградата „кошница за дрога“. На ѕидот бил закачен и список на оние кои купиле ливчиња од пет и десет евра.
При полициската акција откриени се 165 насади марихуана, како и одредени количини кокаин и хашиш.
Во Шпанија вообичаено е да се донираат корпи со вино, шунка и слатки пред крајот на годината.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.