Свет
(Видео) Критики за Трудо: снимен како ја пее „Боемска рапсодија“ пред погребот на кралицата Елизабета
Канадскиот премиер Џастин Трудо се соочи со лавина критики по појавувањето на видео на кое тој ја пее „Боемска рапсодија“ (Bohemian Rhapsody) пред погребот на британската кралица Елизабета, а неговиот кабинет ги објасни неговите постапки, јавува Би-би-си.
Трудо е снимен во фоајето на еден лондонски хотел заедно со другите членови на канадската делегација како ја пее „Боемска рапсодија“ од британската група „Квин“ во придружба на пијано. Медиумите подоцна потврдија дека целата делегација повеќе од два часа пеела песни со придружба на клавир во фоајето на хотелот.
Last night at the Savoy. Our PM in the UK representing Canada for the Queen’s funeral. ????????♀️
How do you say you were a drama teacher without saying you were a drama teacher. pic.twitter.com/kfRlve7pmV— Lisa Power (@LisaPow33260238) September 19, 2022
Видеото беше споделено на социјалните мрежи, а портпаролот на премиерот потврди дека е вистинито, иако не се знае кој го снимил. Тој рече дека собирот на канадската делегација е во чест на британската кралица.
„По вечерата во саботата, премиерот му се приклучи на мал собир со членовите на канадската делегација, кои се собраа да ѝ оддадат почит на нејзиното величество,“ изјави портпаролот, пренесува Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.