Свет
(Видео) Маж протестира на стаклениот покрив на австралискиот парламент и бараше ослободување на Асанж
Маж се качи на покривот на зградата на австралискиот парламент во Канбера како знак на протест и бараше ослободување на Џулијан Асанж, пренесува „Спутник“.
Демонстрантот, облечен во црна облека и капа, свиреше и викаше, „Ослободете ги свиркачите“ и „Ослободете го Џулијан Асанж“. Тој се закани дека ќе остане таму сè додека Асанж не биде ослободен од затвор и им рече на минувачите да му донесат вреќа за спиење.
Демонстрантот постави транспарент на кој пишуваше: „Ослободете го Асанж. ‘Не’ за екстрадицијата во САД“ и шеташе врз стаклениот покрив на парламентот пред полицијата да го уапси.
Нема информации за тоа дали демонстрантот се соочува со обвиненија.
The protestor on the roof of Parliament House: "I'll only come down when Julian Assange returns to Australia. Send me up a sleeping bag." pic.twitter.com/HspCD0FScP
— Katie Burgess (@katie_b_burgess) November 11, 2019
Џулијан Асанж, кој е австралиски државјанин, во моментот издржува затворска казна од 50 недели за прекршување на условите за кауција во 2012 година за да избегне екстрадиција во Шведска, каде беше баран за сексуален напад, што тој го отфрли како политички мотивирано обвинение.
Асанж, основачот на „Викиликс“, побара прибежиште во Амбасадата на Еквадор во Лондон и таму остана речиси седум години до април годинава кога Еквадор му го одзеде статусот на азилант. Тој сега се соочува со екстрадиција во САД под обвинение за објавување дипломатски телеграми и обелоденување обвинувачки докази против воените кампањи на САД во Авганистан и во Ирак. 17-те точки од обвинението му носат максимална казна затвор од 175 години. Рочиштето за екстрадиција е предвидено да почне на 25 февруари.
Минатиот месец 11 австралиски пратеници формираа меѓупартиска група со која се залагаат за враќање на Асанж дома.
„Што и да мислат луѓето за него, Џулијан Асанж е Австралиец и заслужува конзуларна помош и поддршка од австралиската влада“, рече пратеникот од лабуристите, Џулијан Хил.
Премиерот Скот Морисон јасно стави до знаење дека неговата влада ќе дозволи законските процеси во Велика Британија да одат по својот тек и рече дека Асанж треба да се соочи со своите дела.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Прашина од Африка стигна во Грција: небото над Атина стана портокалово
Небото над Атина, главниот град на Грција, стана портокалово поради огромните облаци од прашина што пристигнаа од Африка.
Грчкото здружение за пулмологија ги предупреди граѓаните дека честичките од пустинската прашина во атмосферата се опасни за луѓето со респираторни проблеми.
🚨#WATCH: As the Saharan dust has turnt the sky of Athens, Greece completely orange.
The Sahara dust is turning the sky into a vibrant orange across Athens, Greece. The wave of dust began yesterday and is forecasted to peak today.
pic.twitter.com/jo7fAwNIv4— R A W S G L 🌎 B A L (@RawsGlobal) April 23, 2024
На луѓето со респираторни и срцеви проблеми им се советуваше да не се занимаваат со активности на отворено, да ги држат прозорците затворени и да користат маски кога се на отворено.
Грчкиот метеоролог Костас Лагувардос објави на „Фејсбук“ дека Атина изгледа како колонија на Марс.
HAPPENING NOW: *Orange sky* – African dust blanketing Greece created an eerie image that made Athens look like a colony on Mars, Greek meteorologist reportedly says pic.twitter.com/qXicm92YPE
— Bruce Snyder (@realBruceSnyder) April 23, 2024
Поради пустинската прашина, намалена е видливоста во центарот на градот и регионот, а грчката метеоролошка служба соопшти дека во северна и западна Грција се очекува дожд од прашина.
In Athens, the sky turned orange due to a large amount of dust brought from the Sahara Desert, pic.twitter.com/Xie3o7Ovku
— S p r i n t e r F a c t o r y (@Sprinterfactory) April 23, 2024
Свет
(Видео) Авион двапати се одби од пистата во Лос Анџелес: „Ова е најгрубото слетување што сме го снимиле“
На аеродромот во Лос Анџелес во живо е снимено неверојатно слетување на авионот на „Луфтханза“.
Имено, за време на слетувањето, авионот еднаш, а потоа и вторпат се одби од пистата и повторно полета предизвикувајќи шокирани реакции кај коментаторите во преносот од аеродромот.
„Што? Леле, леле, леле. Мислам дека ова е најгрубото слетување што некогаш сме го снимиле“.
Кога повторно се нашол во воздухот, авионот со маневрирање успеал да слета на пистата и безбедно да го заврши летот.
The moment a Lufthansa plane performed a rejected landing, or a ‘touch-and-go’, was caught on a livestream.
🎥 Airline Videos Live via YouTube pic.twitter.com/BpYSGuwMCG— Daily Mail Online (@MailOnline) April 24, 2024
Свет
ЕУ инвестира повеќе од 65 милиони евра во развој на вештачка интелигенција
Европската комисија (ЕК) најави дека ќе инвестира повеќе од 65 милиони евра во развојот на вештачката интелигенција (АИ), вклучително и 50 милиони наменети за финансирање проекти насочени кон развој на нови начини за комбинирање на податоците.
ЕК објави повици за предлози за финансирање проекти во областа на вештачката интелигенција и квантната технологија во рамките на програмата за истражување и иновации „Хоризонт Европа“ од 2023 до 2024 година, објави АНСА.
ЕК наведува дека проектите се насочени кон подобрување на доверливоста на системите за вештачка интелигенција и обезбедување значителен увид во процесите на донесување одлуки за вештачка интелигенција.